Расейскі мільярдэр Дзерыпаска назваў вайну Пуціна ва Украіне вар'яцкай

І заклікаў неадкладна яе спыніць.

Алег Дзерыпаска падсумоўваў пазіцыю буйнога бізнэсоўца, які працягвае жыць у Расеі. Вайна - гэта дрэнна, але, калі хочаш і далей займацца бізнэсам, у палітыку не лезь.

Магчымасць экспартаваць прадукцыю ў краіны Азіі, «якія пераследуюць уласныя інтарэсы», стала, «безумоўна, выратавальным колам для [расейскага] гандлю» пасля санкцый і разрыву эканамічных дачыненняў з заходнімі краінамі, сказаў Дзерыпаска Nikkei Asia.

Гандаль з Кітаем, са слоў заснавальніка алюмініевага гіганта «Русал» і яго матчынай кампаніі En+, апынулася «вызначальным фактарам у пачатку вайны», тады як сам ён меркаваў, што эканамічны «калапс [у Расеі] будзе мацнейшым». Гандаль падтрымаў расейскую эканоміку, а вось вайсковыя выдаткі яму шкодзяць, сказаў Дзерыпаска ў Токіё, куды ён, з яго слоў, прыляцеў у якасці прадстаўніка Расеі для ўдзелу ў Дзелавой кансультатыўнай радзе Азіяцка-Ціхаакіянскага эканамічнага супрацоўніцтва (АЦЭС). Выдаткі на абарону і бяспеку ў бюджэце 2024 г. перавысілі 10,7 трлн рублёў (амаль 6% ВУП).

Дзерыпаска назваў вайну ва Украіне «вар'яцкай» і заклікаў да «неадкладнага і безумоўнага спынення агню».

«Калі хочаш спыніць вайну, найперш трэба спыніць агонь», - сказаў Дзерыпаска.

Дзерыпаска аднойчы ўжо называў канфлікт ва Украіне «вар'яцтвам» - праз месяц пасля расейскага ўварвання. Пасля чаго бізнэсоўца мінімум двойчы прасілі з Крамля перастаць крытыкаваць вайну, пісала ў канцы 2022 г. Financial Times. У тым жа годзе кампанія Дзерыпаскі пазбавілася яхтавага порта і гатэльнага комплексу «Імерэцінскі» ў Сочы, на якія ён выдаткаваў $1 млрд.

Наступныя выказванні бізнэсоўца былі больш асцярожнымі. Мінулай восенню ў інтэрв'ю FT ён заявіў, што не разумее, «чаму яе [вайну] не могуць скончыць абодва бакі». «Не бачу, як нехта можа дасягнуць заяўленай мэты», - дадаў ён.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com