Расейскія генералы пачалі здаваць адзін аднаго падчас зачысткі Мінабароны
7- 9.08.2024, 19:01
- 11,804
Спадзяюцца ўзамен атрымаць свабоду.
Начальнік галоўнай управы сувязі (ГУС) Узброеных сіл Расеі генерал-лейтэнант Вадзім Шамарын быў затрыманы пасля таго, як паказанні на яго даў яго былы падначалены - генерал-маёр Аляксандр Аглоблін, асуджаны за асабліва буйное махлярства, піша ТАСС. Са слоў крыніц, наўзамен ён атрымаў свабоду.
«Аглобліну было змененае пакаранне са змяшчэння ў калоніюі на папраўчыя працы пасля таго, як ён даў паказанні на генерала Шамарына. Гэта адбылося ў сакавіку 2024 года», - паведаміў суразмоўца праўладнага агенцтва ў праваахоўных органах.
Тым часам 9 жніўня стала вядома, што ў канцы чэрвеня Другі касацыйны суд агульнай юрысдыкцыі скасаваў пастанову аб замене Аглобліну рэальнага тэрміна на папраўчыя працы. Хадайніцтва адпраўленае на новы разгляд у Бабушкінскі раённы суд Масквы. Пры гэтым генерала не сталі вяртаць у калонію, сцвярджае крыніца ТАСС. Дзе ён зараз знаходзіцца, не паведамляецца.
Як піша The Moscow Times, Аглоблін займаў пасаду начальніка першага падраздзялення ГУД. У лютым 2022 года яго прыгаварылі да 4,5 года калоніі за крадзеж 1,6 млрд рублёў, выдзеленых на закупку лічбавага тэлекамунікацыйнага абсталявання для войска.
Шамарын быў арыштаваны 22 траўня пасля адстаўкі кіраўніка Мінабароны РФ Сяргея Шайгу. Генерал абвінавачваецца ў атрыманні хабару ў суме 36 млн рублёў ад гендырэктара пермскага тэлефоннага завода «Тэлта» Аляксея Высокава і галоўнага бухгалтара прадпрыемства Алены Грышынай у абмен на дзяржкантракты і агульнае заступніцтва. Генералу пагражае да 15 гадоў пазбаўлення волі.
Зачыстка каманды Шайгу пачалася незадоўга да яго адстаўкі. У красавіку паводле справы аб мільярдным хабары быў затрыманы і арыштаваны яго ключавы намеснік Цімур Іваноў. У сярэдзіне траўня ў СІЗА адправілі начальніка галоўнай управы кадраў Мінабароны генерал-лейтэнанта Юрыя Кузняцова. Яму таксама ставіцца ў віну хабар на 30,5 млн рублёў у выглядзе катэджа.
Акрамя таго, пад арыштам апынуліся намеснік начальніка галоўнай управы інавацыйнага развіцця Мінабароны генерал-маёр Уладзімір Шасцяроў і дырэктар парка «Патрыёт» палкоўнік Вячаслаў Ахмедаў. Іх абвінавачваюць у крадзяжы сродкаў, выдзеленых на функцыянаванне парка і выставачнага цэнтра. У СІЗА знаходзіцца і кіраўнік дэпартамента па забеспячэнні дзяржзаказу ведамства палкоўнік Уладзімір Верцялецкі. Яму ставіцца ў віну злоўжыванне паўнамоцтвамі, якое пацягнула шкоду на 70 млн рублёў.
Таксама паводле справы аб махлярстве арыштавалі былога камандуючага 58-й арміяй генерал-маёра Івана Папова, які канфліктаваў з кіраўніком Генштаба Валерыем Герасімавым і пагражаў распавесці кіраўніку РФ Пуціну «праўду» аб тым, што адбываецца на вайне ва Украіне.
Беспрэцэдэнтная кампанія па арышце генералаў і высокапастаўленых чыноўнікаў Мінабароны праходзіць са згоды Крамля, казалі The Moscow Times крыніцы ва ўрадзе. З іх слоў, за крымінальнымі справамі стаіць жаданне спецслужбаў зваліць на войска віну за няўдачы ва Украіне і атрымаць кантроль над вялізнымі бюджэтамі ваеннага ведамства. Крыніцы кажуць, што да канца года па ўсіх падраздзяленнях Мінабароны «будуць арыштаваныя сотні людзей».
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
