«У расейцаў узнікла сур'ёзная праблема праз баі ў Курскай вобласці»

Аналіз палкоўніка УСУ.

У Курскай вобласці ўжо некалькі сутак прадаўжаюцца актыўныя баявыя дзеянні. Расейцы вельмі млява рэагуюць на тамтэйшыя падзеі, якія ўжо прывялі да сур'ёзнай для іх праблемы.

Ваенны эксперт, лётчык-інструктар, палкоўнік УСУ ў запасе Раман Світан расказаў «24 Каналу», якія ўскладненні ўзніклі ў ворага праз аперацыю ў Курскай вобласці.

Світан заўважыў, што ў расейцаў узнікла сур'ёзная праблема, паколькі была перарэзаная чыгунка ў раёне Суджы, па якой ішло паліва. Мазырскі НПЗ у Беларусі пампаваў практычна ўвесь выраблены дызель расейцам на ўсходні фронт. Таму гэтая плынь цяпер перакрытая.

Паводле ягоных словаў, яшчэ адна чыгунка знаходзіцца пад украінскім агнявым кантролем.

– У расейцаў цяпер будзе праблема з дызелем: перакідваць па вялікай дузе – гэта дадаткова некалькі дзясяткаў гадзінаў, – заявіў палкоўнік запасу.

Ён дадаў, што адной з асноўных задачаў з'яўляецца пераразанне энэргазабеспячэння ваенным аб'ектам расейцаў.

Удар па ваенным аэрадроме ў Ліпецку

Палкоўнік запасу адзначыў, што аэрадром у Ліпецку – гэта адна з асноўных украінскіх цэляў. Спачатку быў нанесены сур'ёзны ўдар па электрападстанцыі, якая сілкуе, у тым ліку, і аэрадром. А далей ужо была параза самога ваеннага аб'екта.

– У расейцаў вялікая праблема, бо на гэтай электрападстанцыі яшчэ і вісяць цывільныя аб'екты, – сказаў Світан.

Таму, паводле ягоных словаў, у выпадку знішчэння электрападстанцыі або любых размеркавальных энэргааб'ектаў «кладзецца» электраэнэргія і ў найбліжэйшых раёнах.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com