Яшчэ адзін буйны НПЗ каля Масквы часткова спыніў працу

Пасля налёту ўкраінскіх дронаў.

Яшчэ адзін буйны расейскі нафтаперапрацоўчы завод, размешчаны паблізу ад сталічнага рэгіёну, сутыкнуўся са збоем і быў вымушаны часткова скараціць вытворчасць.

Размешчаны за 300 км ад Масквы НПЗ "Слаўнафта-Яраслаўнафтааргсінтэз", які перапрацоўвае 15 млн тон нафты на год, 10 верасня спыніў устаноўку каталітычнага крэкінгу, паведамляе Reuters са спасылкай на дзве крыніцы ў галіне.

Са слоў суразмоўцаў агенцтва, дакладная прычына аварыі невядомая: гэта можа быць няспраўнасць з транспартам ці рэгенерацыяй каталізатара. Рамонт устаноўкі, якая выкарыстоўваецца для вытворчасці высокаактанавых марак бензіну, зойме блізу тыдня, расказала адная з крыніц. Са слоў іншай, завод будзе вымушаны знізіць выпуск Аі-95, аднак 92-га бензіну будзе вырабляць больш.

Праблемы на Яраслаўскім заводзе ўзніклі ў дзень найбуйнейшага з пачатку вайны налёту ўкраінскіх дронаў, які ахапіў дзевяць рэгіёнаў, у тым ліку Падмаскоўе, дзе БПЛА урэзаўся ў шматпавярховік. У выніку ўзніклага пажару адзін чалавек загінуў, восем пацярпелі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com