Зяленскі: План перамогі гатовы больш як на 90%

На наступным тыдні яго пакажуць хаўруснікам.

План перамогі Украіны ў вайне з Расеяй гатовы больш як на 90 адсоткаў. На наступным тыдні яго пакажуць хаўруснікам.

Пра гэта паведамляе Charter97.org са спасылкай на вечаровы зварот прэзідэнта Украіны Уладзіміра Зяленскага.

«Цягам усяго дня ў розных фарматах – нарады ў падрыхтоўцы нашага, украінскага, плану перамогі. Рэальнае напаўненне ўсіх пунктаў. Ваеннае напаўненне, палітычнае, дыпламатычнае, эканамічнае. Задзейнічаныя ключавыя асобы на кожным кірунку», – сказаў Зяленскі.

Паводле ягоных словаў, неабходныя для Украіны крокі ўжо дакладна вызначаныя.

«Тое, што можа даць нам максімальна моцныя пазіцыі для набліжэння міру – рэальнага, справядлівага міру. Для кожнага кроку ёсць дакладны пералік пунктаў, што менавіта неабходна, што будзе працаваць на ўзмацненне. Ніякай немагчымай рэчы там няма. Больш чым на 90% усё выпісана», – расказаў прэзідэнт Украіны.

Ён адзначыў, што ў комплексе гэты пакет можа забяспечыць правільнае развіццё сітуацыі не толькі для Украіны, але і для ўсіх, хто ў свеце шануе міжнароднае права.

«Ужо на наступны тыдзень мы рыхтуем план перамогі для паказу хаўруснікам», – дадаў Зяленскі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com