У Беларусі тушаць адразу некалькі буйных пажараў

Пах гару пакуль нікуды не падзенецца.

Як паведаміла прэс-служба Міністэрства лясной гаспадаркі, адзін з пажараў шалее ў межах адразу трох лясгасаў: Мілошавіцкага, Жыткавіцкага, Палескага (Берасцейская і Гомельская вобласці).

Адзначаецца, што агмень ізноў палымнее ў журавінавых месцах – на тэрыторыі Рубрынскага лясніцтва Мілошавіцкага лясгаса. «Моцныя парывы ветру імгненна падхапілі полымя – агонь перайшоў на тэрыторыю суседняга лясніцтва Жыткавіцкага лясгаса і цяпер накіроўваецца ў бок Палескага лясгаса», – гаворыцца ў паведамленні.

Спрабуюць спыніць агонь блізу ста чалавек з лесааховы і дзясяткі адзінак тэхнікі. На дапамогу леснікам прыляцелі і два барты МНС.

Буйны пажар у цяперашні момант ліквідуюць і на тэрыторыі Жлобінскага лясгаса ў Гомельскай вобласці.

Як паказвае статыстыка апошніх дзён, агмені ўзнікаюць, у асноўным, у журавінавых, багністых месцах, дадалі ў Мінлясгасе.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com