Дым вышэй за аблокі: спадарожнікі зафіксавалі момант выбуху на складах у Таропцы

Магутнае відэа.

Момант выбухаў на вайсковым аб'екце РФ каля горада Тарапец заўважылі відэакамеры, устаноўленыя на спадарожніках. У выніку трапляння дронаў УСУ пачалася дэтанацыя набояў і ракет, якія захоўваліся на расейскіх складах, і слуп дыму зафіксавалі з вышыні мінімум 400 км.

Відэа выбуху на тэрыторыі Цвярской вобласці OSINT-аналітык з нікам Osinttechnical апублікаваў у сацсетцы X (Twitter).

Паведамленне расследавальніка з'явілася ў сетцы а 08:00 18 верасня. Відэа доўжыцца ўсяго дзве сэкунды. Спачатку відаць панараму мясцовасці, часткова пакрытую аблокамі. Затым у вызначаным пункце з'яўляецца дымны пік, які быў бачны з космасу. Аўтар паведамлення ўпэўнены, што падзея адбылася менавіта ў горадзе Тарапец, таму што зверылі з картай аблокаў на метэаралагічным партале. Ён адзначыў, што гледачы бачаць падрыў 107-га арсенала Галоўнага ракетна-артылерыйскага ўпраўлення Мінабароны РФ, які ажыццявілі дроны Сіл абароны Украіны.

Вышыня палёту спадарожнікаў - ад 400 км да 800 км і вышэй. Гэта азначае, што слуп дыму ад дэтанацыі складоў расейскіх ракет і зброі быў бачны мінімум з 400-кіламетровай вышыні.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com