Магнус Карлсэн заклікаў не знімаць санкцыі супраць шахматных федэрацый Беларусі і РФ

Нарвежац атрымаў узнагароду найлепшага гульца за апошнія 100 гадоў.

Нарвэжскі гросмайстар Магнус Карлсэн атрымаў узнагароду як лепшы шахматыст апошніх 100 гадоў і зрабіў важную заяву на цырымоніі.

33-гадовы Карлсэн, 16-ы чэмпіён свету (2013–2023), 7-разовы чэмпіён свету ў бліц і 5-разовы ў рапідзе, выказаўся супраць зняцця санкцый з расейскіх і беларускіх шахматных федэрацый.

У сваёй прамове ён сціпла дадаў, што гэты прыз, на ягоную думку, больш заслужыў Гары Каспараў.

“Крыху дзіўна атрымліваць гэтую ўзнагароду, пакуль я яшчэ актыўны гулец. Цяпер я, калі быць сумленным, больш думаю аб матчы каманды Нарвэгіі супраць В'етнама.

Вядома, я павінен быў прыняць гэтую ўзнагароду, але, на маю думку, Гары Каспараў меў лепшую кар'еру за мяне. Я разумею, чаму я атрымаў гэтую ўзнагароду, але ўсё роўна думаю, што ён больш заслугоўвае гэтага. Прынамсі, я скажу ў гонар Гары, таму што я ўпэўнены, што ён бы скарыстаўся магчымасцю даць параду не касаваць санкцыі супраць расейскай і беларускай шахматных федэрацый.

Вось і я кажу тое ж”, - сказаў Карлсэн.

Адзначым, што ў момант выступу Магнуса з ім на сцэне быў прэзідэнт Міжнароднай федэрацыі шахмат (ФІДЭ) расеец Аркадзь Дварковіч. Раней была інфармацыя, што пытанне аб вяртанні РФ і Беларусі да спаборніцтваў пад сваім сцягам усё яшчэ ўключанае ў паседжанне ФІДЭ. Генеральная асамблея міжнароднай шахматнай федэрацыі адбудзецца 21-22 верасня ў Будапешце.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com