У «беларускай Швайцарыі» прадаецца стылёвы дом
4- 23.09.2024, 11:01
- 4,704
Каля гарналыжных курортаў і з усімі выгодамі.
За маляўнічыя ўзгоркі і лясныя масівы Лагойскі раён часта называюць "Беларускай Швайцарыяй". Менавіта тут побач з Раўбічамі зараз прадаецца абсалютна новы дом, які ідэальна пасуе для пражывання круглы год. Ён знаходзіцца ў катэджным пасёлку Аколіца і можа пахваліцца вялікім пляцам, высокімі столямі, стыльным рамонтам і наяўнасцю ўсіх выгод, піша Realt.
Размяшчаецца камяніца за 12 кіламетраў ад МКАД – у вёсцы Аколіца, што недалёка ад Дуброўскага вадасховішча. Паблізу можна знайсці і вядомыя спартыўныя комплексы: "Раўбічы", "Сілічы", "Лагойск".
Аднапавярховы блочны дом 2024 года пабудовы быў узведзены паводле ўнікальнага праекту. Асаблівасць камяніцы - пяціметровыя столі і панарамныя вокны.
Фасад дому атынкаваны і аздоблены дэкаратыўным каменем. Падмурак - палева-ростверкавы, зверху пліта і ўцяпляльнік 50 мм. Дах - скатны, мяккі дах, уцяпляльнік 250 мм.
Агульная плошча дома налічвае 125 квадратных метраў.
Планіроўка ў камяніцы - максімальна зручная: на першым узроўні размясцілася шыкоўная кухня-гасцёўня (51 квадрат), тры прасторныя спальні, два санвузлы, тамбур, кацельня і тэраса.
На другім узроўні (антрэсолі) уласнікі прадугледзелі кабінет (12 квадратаў).
Унутры дома зроблены сучасны рамонт. На падлозе - керамаграніт і ламінат, столі - нацяжныя, слоты. Санвузел цалкам з пліткі, змантажавана ўсё абсталяванне (душавы кут, ванна, падвесны ўнітаз, рукамыйніца з тумбай, люстэрка з падсветкай).
Мэблі ў доме няма, затое ў гасцёўні ужо маецца камін для ўтульных восеньскіх вечароў.
Апроч каміна, дом будзе саграваць цёплая падлога, а таксама радыятары (ацяпленне праз кацёл Ariston). Вокны - двухкамерныя энергазберагальныя шклопакеты. Вада - уласная свідравіна. Каналізацыя - мясцовая септык + два студні. Электрычнасць - 15 квт. Падключаны газ.
Катэдж знаходзіцца на прасторным пляцыы прастакутнай формы пляцам 11 сотак. На тэрыторыі ўжо зроблена добраўпарадкаванне, ёсць дарожкі, паркоўка на тры аўто. Сам пляц абнесены парканам, устаноўлены адкатныя вароты з электрапрывадам.
Як адзначаецца, у аб'яве, "цяпер на рынку практычна няма новых дамоў прапанаваным коштам у гэтай лакацыі і гатовых да пражывання".
У пешай даступнасці ад дома знаходзіцца Дуброўскае вадасховішча і РЦ "Раўбічы". За 5 хвілінах язды - школа і гандлёвы цэнтр.
Кошт дома - 207 тысяч даляраў.