Лукашысты паспрабавалі сарваць рэформу ААН

Дэлегацыя рэжыму апынулася ў спісе краін-выгнанак.

Доўгачаканая глабальная рэформа Арганізацыі Аб'яднаных Нацый была нарэшце прынятая, піша выданне The Washington Post.

Абмеркаванне рэформы праходзіла на выходных падчас "Саміту будучыні" ААН у Нью-Ёрку, у якім, сярод іншых, удзельнічала і дэлегацыя рэжыму Лукашэнкі.

Выніковы дакумент саміту, афіцыйна названы "Пакт аб будучыні", быў прыняты ўсімі краінамі-сябрамі ААН і мае глабальны план з 56 пунктаў у такіх пытаннях, як выкараненне беднасці, змякчэнне наступстваў змены клімату, дасягненне гендэрнай роўнасці, умацаванне міру, абарона грамадзянскіх правоў ды іншае.

Пакт таксама мае першую шматбаковую ўзгодненую падтрымку ядзернага раззбраення за больш за дзесяцігоддзе і першую ўніверсальную дамову аб міжнародным кіраванні штучным інтэлектам, адзначае The Washington Post.

Акрамя таго, рэформа ААН прадугледжвае ўзмацненне ролі арганізацыі ў прадухіленні ваенных канфліктаў і пашырэнне складу Рады Бяспекі ААН за кошт уключэння прадстаўнікоў Афрыкі, Азіяцка-Ціхаакіянскага рэгіёна і Лацінскай Амерыкі.

Як заяўляе прэс-служба ААН, прыняцце дакумента аб рэформе было пад пытаннем да апошняга моманту. Атмасфера на саміце была настолькі напружанай, што генеральны сакратар ААН Антонію Гутэрыш выступіў з трыма падрыхтаванымі прамовамі.

Адзінай краінай, якая паспрабавала сарваць прыняцце дакумента, была Расея, якую падтрымалі Беларусь і шэраг іншых аўтарытарных краін.

«Расея пры падтрымцы Беларусі, Ірана, Паўночнай Карэі, Нікарагуа, Судана і Сірыі паспрабавала ўнесці папраўку ў праект глабальнай рэформы ААН, якая зрабіла б гэтую рэформу бессэнсоўнай. Папраўка змяшчала фразу, што "ААН і яе структуры не павінны ўмешвацца ў пытанні, якія фактычна знаходзяцца пад унутранай юрысдыкцыяй якой-небудзь дзяржавы".

Супраць расейскай папраўкі выступіла абсалютная большасць краін свету, асабліва ўсе 54 краіны Афрыкі, якія і ініцыявалі галасаванне супраць папраўкі, выклікаўшы воплескі ў зале, піша The Washington Post.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com