Літва скасоўвае пагадненне з Беларуссю аб інвестыцыях

Сэйм краіны ўхваліў дакумент.

Сэйм Літвы сёння прыняў пастанову аб дэнансацыі пагадненняў з Беларуссю і Расеяй, прапанаваных прэзідэнтам краіны.

Парламентарыі падтрымалі разрыў пагаднення з Беларуссю, якое тычыцца заахвочвання і абароны ўзаемных інвестыцый. Аналагічная пастанова была прынятая і ў дачыненні да Расеі. Акрамя таго, Сэйм ухваліў дэнансацыю пагаднення з РФ, накіраванага на пазбяганне двайнога падаткаабкладання. Усе гэтыя дамовы былі падпісаныя ў 1999 годзе.

У афіцыйнай заяве Сэйма падкрэсліваецца, што дэнансацыя з'яўляецца апраўданай у святле бягучай геапалітычнай сітуацыі: Расея працягвае сваю вайсковую агрэсію супраць Украіны, а Беларусь актыўна яе падтрымлівае. Таксама зазначаецца, што праз вайну эканамічныя сувязі паміж краінамі значна аслаблі.

Дэпутатам трэба будзе правесці канчатковае галасаванне аб законапраектах. Пасля іх прыняцця ўрадам Беларусі і Расеі будуць паведамлена аб дэнансацыі. Згодна з умовамі пагадненняў, яны страцяць сілу праз 12 месяцаў пасля апавяшчэння, пры гэтым абарона раней зробленых інвестыцый будзе дзейнічаць яшчэ на працягу 10 гадоў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com