Барэль: Еўразвяз будзе падтрымліваць Украіну незалежна ад пазіцыі ЗША
6- 25.09.2024, 8:19
- 4,358
Каб не дапусціць гістарычнай памылкі.
Кіраўнік еўрапейскай дыпламатыі Жазэп Барэль заявіў, што Еўрапейскі Звяз працягне падтрымліваць Украіну ў супрацьстаянні расейскай агрэсіі незалежна ад пазіцыі новай адміністрацыі прэзідэнта ЗША.
Пра гэта Барэль заявіў падчас прэс-канферэнцыі аб выніках пасяджэння Рады Бяспекі ААН у разглядзе сітуацыі ва Украіне, паведамляе "Укрінфарм".
“Я не ведаю, што будзе ці не будзе рабіць амерыканская адміністрацыя.
Пакуль дазвольце мне сказаць, што цяпер падтрымка ад Еўрапейскага Звязу - вайсковая, грамадзянская, эканамічная, фінансавая і гуманітарная - большая, чым (дапамога - рэд.) ад ЗША.
Больш за 100 мільярдаў еўраў - гэта рахунак, які мы аплацілі. Сярод гэтага, 45 мільярдаў еўраў вайсковай падтрымкі. Безумоўна, гэта менш, чым ад ЗША, але гэта таксама даволі важная лічба”, - сказаў Барэль.
Ён нагадаў, што на пачатку вайны ніхто не чакаў, што Украіна будзе супраціўляцца, бо Расея была чацвёртай краінай свету ў аб'ёме вайсковых выдаткаў, у той час як Украіна знаходзілася на 35-м месцы.
“Таму розніца паміж вайсковымі магчымасцямі Расеі і Украіны была неверагоднай.
Той факт, што Украіна супраціўлялася, было ў свой час цудам. У пачатку, памятаеце, што мы прапанавалі Украіне? Шаломы! Цяпер мы прапануем F-16, і ў гэтым ёсць адметнасць.
Адная рэч для мяне відавочная: пакуль Украіна будзе супраціўляцца, мы павінныя яе падтрымліваць. Інакш мы зробім гістарычную памылку”, - заявіў палітык.
У канцы жніўня Барэль пасля масаванага расійскага нападу РФ на Украіну зноў заклікаў зняць абмежаванні на выкарыстанне заходняй зброі для ўдараў па вайсковых цэлях Расеі.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
