«Гэта чат школы ці папраўчай калоніі?»
3- 25.09.2024, 10:58
- 9,396
Беларуска расказала аб прапагандзе ў школах.
Пачаўся навучальны год, а з ім на галовы бацькам пачалі ліцца і ідэалагічныя памыі, піша чытачка сайта Charter97.org:
Класная кіраўніца папрасіла бацькоў далучыцца да школьнай тэлеграм-суполкі, каб быць у курсе ўсіх падзей. Адкрываю чат, і першая навіна, якая з’яўляецца ў мяне перад вачыма, прымушае мяне яшчэ раз зірнуць, ці правільна я перайшла праз спасылку.
Чат мяне сустрэў навіной: “Міліцыя запрашае гасцей на свой дзень нараджэння - у праграме віктарыны ды квэсты, гульнявыя пляцоўкі ДАІ і ОМОН.
Уявіла тыя пляцоўкі ОМОН, дворык Акрэсціна, стогн людзей, гумовыя дручкі.
Гартаю далей: Сустрэча з інспектарам ІСН “Что детям нужно знать о времяпрепровождении на флэтах і вписках”. Давялося пагугліць, каб зразумець, пра што гаворка, бо калі слова flat мне знаёмае, то пра “ўпіскі” я не ведала анічога.
Наступная школьная падзея: “Сустрэча старшыні арганізацыі ветэранаў беларускага грамадскага аб’яднання ветэранаў”. Узнікла толькі адное пытанне: ветэранаў чаго?
Наступная навіна ў школьнай стужцы: “Як дзіцяці не стаць ахвярай злачынства”.
Ну і сярод гэтага ўсяго было сёе-тое і для душы: Прагляд спектакля “Хатынь”.
Адзіная радасць ад школьнай тэлеграм-суполкі — гэта абвесткі пра школьныя абеды. Хоць нейкі напамін, што гэта ўсё ж чат школы, а не папраўчай калоніі.
Быў у групе і матэрыял для бацькоў: як правільна вучыцца з дзецьмі. Далей гартаць не захацелася, бо я, адпрацаваўшы 8 гадзін, не маю змогі вучыцца з дзецьмі. Неяк мы самі давалі рады.
Прагартаўшы стужку, выйшла з групы ды пайшла паразмаўляць з дзецьмі на тэму: як супрацьстаяць прапагандзе ды аналізаваць інфармацыю.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
