Зяленскі патлумачыў важнасць сустрэчаў з Гарыс і Трампам
1- 27.09.2024, 20:22
- 1,520
Прэзідэнт Украіны спадзяецца, што падтрымка Кіева Вашынгтонам будзе непахіснай.
Прэзідэнт Украіны Уладзімір Зяленскі заявіў на сустрэчы з кандыдатам-рэспубліканцам у лідары ЗША Дональдам Трампам, што ўважае за патрэбнае пабачыцца з абаімі – ім і дэмакратычнай Камалай Гарыс таму, што «не вядома, хто будзе наступным прэзідэнтам Злучаных Штатаў».
Пра гэта паведамляе «Ліга».
Паводле словаў Зяленскага, лідарам ЗША можа стаць хто заўгодна, а Украіна, у сваю чаргу, спадзяецца атрымаць падтрымку наступнага прэзідэнта. Таму, сказаў ён, важна будаваць стасункі з абаімі кандыдатамі ўжо цяпер.
«Я думаю, у нас – агульны пункт гледжання, што вайну ва Украіне трэба спыніць і Пуцін не можа перамагчы. Украіна павінна перамагчы», – адзначыў Зяленскі.