Ізраіль заявіў аб ліквідацыі яшчэ аднаго высокапастаўленага камандзіра «Хезбалы»

Ён быў старэйшым членам цэнтральнага савета групоўкі.

Войска абароны Ізраілю (ЦАХАЛ) заявіла аб ліквідацыі яшчэ аднаго камандзіра «Хезбалы» Наўбіля Каука. Ён загінуў у выніку авіяўдару па сталіцы Лібана.

Пра гэта паведамляе The Times of Israel.

Паводле інфармацыі ЦАХАЛа, Каук быў камандзірам падраздзялення прэвентыўнай бяспекі «Хезбалы» і старэйшым членам цэнтральнага савета групоўкі.

Каук уважаўся блізкім да кіраўніцтва «Хезбалы» і, як адзначаюць у ізраільскім войску, непасрэдна ўдзельнічаў ва ўчыненні нападаў на Ізраіль, у тым ліку ў апошнія дні.

Наўбіль Каук далучыўся да «Хезбалы» ў 1980-х гадах і працаваў намеснікам кіраўніка, а затым старшынём паўднёвага Лібана ў выканаўчым савеце, а таксама намеснікам кіраўніка выканаўчага савета.

Ён загінуў мінулай ноччу ў выніку авіяўдараў у раёне Дахія на поўдні Бейрута, дзе размяшчаецца цэнтральны штаб «Хезбалы».

Нагадаем, 27 верасня войска абароны Ізраілю нанесла ўдары па сталіцы Лібана. У выніку абстрэлу Бейрута загінуў Хасан Насрала - верхавод групоўкі «Хезбала».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com