Скрэпы трашчаць па швах

Год Сям'і ў Расеі відавочна хтосьці сурочыў.

Напярэдадні міністр аховы здароўя Прыморскага краю Яўген Шастапалаў заявіў, што ніякая занятасць на працы не можа перашкодзіць ствараць сем'і і заводзіць дзяцей. І раптам як гром сярод яснага патрыятычнага неба галоўны спявак усяе Русі Яраслаў Shaman Дронаў заявіў, што знаходзіцца ў шлюбаразводным працэсе са сваёй жонкай Аленай Мартынавай.

«Родныя, мы з Аленай - вельмі занятыя людзі. На жаль, такі графік працы і ўзровень занятасці не пакінуў нам часу на нармальнае асабістае жыццё. Развод - наша супольная пастанова. Мы застаёмся ў добрых стасунках, без якіх-небудзь канфліктаў і крыўдаў», - напісаў ён у сваім канале. Год Сям'і ў Расеі відавочна хтосьці сурочыў, а скрэпы трашчаць па швах.

Алена Мартынава – таленавітая піяршчыца, топ-мэнэджарка холдынгу USM, віцэ-прэзідэнтка «Мегафона» ў стратэгічных камунікацыях і прасоўванні брэнда кампаніі і старэйшая за музыку на 14 гадоў. Яна - уладальніца звання «Медыя мэнэджар Расеі» і натуральна займалася прасоўваннем турбапатрыятычнага певуна. Аднак сямейная ідылія разбілася аб занятасць - парады Шастапалава не падзейнічалі, і ці застанецца зараз «кароль Shaman голым» пажывем - убачым.

Ёсць толькі ў такіх гісторыях вельмі дзіўны момант - самыя заўзятыя барацьбіты прапагандысцкага фронту, якія ірвуць цяльняшкі за тыя ці іншыя «скрэпнасці», самі не занадта вось імкнуцца іх прытрымлівацца. Развод - справа жыццёвая. Усякае бывае, але навошта курчыць з сябе на паказ прыхільніка вышэйшых каштоўнасцяў?

Тэлеграм-канал «Депутатские будни»

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com