Мінулае лета ў Беларусі стала адным з самых гарачых амаль за 150 гадоў

Сярэдняя тэмпература паветра за летні сезон склала 19,9°С.

Гэтае лета стала адным з самых гарачых за ўсю гісторыю метэаназіранняў – з 1881 года, піша БелТА.

Сярэдняя тэмпература паветра за летні сезон склала +19,9°С, што на 1,9°С вышэй за кліматычную норму.

«Лета гэтага года заняло другое месца ў ранжыраваным шэрагу назіранняў ад самага цёплага да самага халоднага сезону пачынаючы з 1881 года», – расказала інжынерка-метэаролаг Таццяна Гіль.

А самае спякотнае лета за ўвесь перыяд метэаназіранняў беларусы перажылі ў 2010 годзе. Тады сярэдняя тэмпература паветра па краіне складала 20,6°C.

За мінулае лета ў розных рэгіёнах краіны было ад 39 да 70 спякотных дзён з тэмпературай паветра 25 градусаў і вышэй. Пры гэтым норма складае 29–59 дзён. Таксама сіноптыкі налічылі ад 2 да 28 дзён, калі слупок тэрмометра дасягаў 30 і больш градусаў цяпла (норма складае 1–13 дзён).

Самая высокая тэмпература была зафіксаваная 13 ліпеня на станцыі Жыткавічы. Слупкі тэрмометра паказалі +37,9 °C. А мінімальная тэмпература склала 4,7°C (14 жніўня на станцыі Палеская).

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com