У РФ арыштавалі рэжысёра фільма пра Аляксандра Літвіненку

У выхадца з Расеі ёсць толькі грамадзянства Нямеччыны.

Рэжысёр і пісьменнік Андрэй Някрасаў быў затрыманы ў Смаленскай вобласці 24 жніўня. Пра гэта паведаміў сам Някрасаў, з якім DW удалося звязацца праз тэлефон. Цяпер ён знаходзіцца ў цэнтры ўтрымання замежных грамадзянаў. У 66-гадовага выхадца з РФ Някрасава ёсць толькі нямецкае грамадзянства. З ім ужо звязаўся прадстаўнік амбасады ў Нямеччыне ў РФ. Гэты факт пацвердзілі DW у МЗС ФРГ.

Паводле словаў Някрасава, ён здымаў фільм у Смаленскай вобласці (рэжысёр не ўдакладніў падрабязнасці пра фільм і дзе менавіта быў затрыманы). Знятыя кадры павінны былі стаць часткай даследчага праекта пра Расею, растлумачыў ён. Някрасаў расказаў, што быў затрыманы супрацоўнікамі ФСБ у цывільным, якія сцвярджалі, што ён вёў здымку побач з будынкам ФСБ.

Потым рэжысёра прадставілі суду, які, паводле словаў Някрасава, прызнаў яго вінаватым у парушэнні адміністрацыйнага артыкула аб «незаконнай прафесійнай дзейнасці». Яго пакаралі арыштам у цэнтры для ўтрымання замежнікаў на тэрмін да 90 сутак, не прыняўшы да ўвагі, што рэжысёр, як ён сцвярджае, не ведаў пра знаходжанне побач з месцам здымкі будынка ФСБ і не планаваў яго здымаць.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com