Недабудаваны гатэль савецкіх часоў у Смаргоні наважылі зруйнаваць

Пасля няўдалых спроб продажу.

Недабудаваны сяміпавярховы будынак на праспекце Індустрыяльным, 12 у Смаргоні збіраюцца зруйнаваць. Пастанову аб зруйнаванні прыняў мясцовы гарвыканкам у сярэдзіне жніўня. Дагэтуль недабудаваны гатэль савецкіх часоў чатыры гады спрабавалі прадаць, піша Hrodna Life.

Згодна з тэхнічнымі характарыстыкамі на 2019 год, гатэль гатовы на 38%. Ён не быў закансерваваны. Плошча будынка – 7834.3 кв.м. Вонкавая плошча - 2337 кв.м.

Руйнаваць будынак будуць са снежня 2024 года да лютага 2025 года. Тып зруйнавання - камбінаваны. Яго выкарыстоўваюць для будынкаў, дзе адны элементы разбіраюцца ручным спосабам, іншыя механізаваным, трэція выбухным. Адпрацаваныя элементы перапрацуюць у другасны друз і металалом.

Перад зруйнаваннем у верасні правядуць тэхнічнае абследаванне будынка, каб ацаніць стан, ступень фізічнага зносу канструкцый, небяспеку абвальвання элементаў.

Што там магло б быць?

Зямельны ўчастак прапаноўвалі выкарыстоўваць для будаўніцтва і абслугоўвання вытворчага ці адміністрацыйна-дзелавога будынка. Апошні аўкцыён, які прайшоў у ліпені 2024 года, не адбыўся.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com