Сірыя скасавала пагадненне з Расеяй што да порта Тартуса

Масква спадзявалася на захаванне дамовы.

Улады Сірыі анулявалі пагадненне аб кіраванні марскім портам Тартус, падпісанае з расейскай кампаніяй «Будтрансгаз» у 2019 годзе. Пра гэта паведаміў дырэктар мытнай управы правінцыі Тартус Рыяд Джудзі ў інтэрв'ю газеце Al Watan.

«Пагадненне аб інвестыцыях у порт Тартус з расейскай кампаніяй было ануляванае. Усе даходы ад дзейнасці порта будуць выкарыстоўвацца ў інтарэсах сірыйскай дзяржавы», - адзначыў ён. Джудзі ўдакладніў, што сірыйскія рабочыя ўжо пачалі аднаўленне абсталявання, якое не было мадэрнізаванае ў рамках кантракта.

Кантракт з расейскім бокам прадугледжваў кіраванне портам тэрмінам на 49 гадоў і інвестыцыі ў яго развіццё больш як на 500 млн даляраў. Аднак, паводле звестак сірыйскага боку, чаканая мадэрнізацыя так і не была выкананая.

Порт Тартус з'яўляецца другім па велічыні марскім портам Сірыі і адначасова важнай вайсковай базай Расеі ў Міжземным моры.

У снежні намеснік кіраўніка МЗС Расеі Міхаіл Багданаў заявіў, што Расея разлічвае захаваць свае вайсковыя базы ў Сірыі, нягледзячы на змену ўлады ў краіне. Тады ж Bloomberg са спасылкай на крыніцы паведаміў, што Масква блізкая да пагаднення з новымі ўладамі Сірыі па захаванні авіябазы Хмеймім і порта ў Тартусе.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com