Ігар Лосік распавёў, што яго павінны былі вызваліць у чэрвені разам з Алесем Бяляцкім

Але ў апошнюю хвіліну іх выкрасілі са спісу.

Былы палітвязень Ігар Лосік распавёў, што ён быў у спісах на вызваленне разам з групай беларусаў, якіх выпусцілі на волю і вывезлі за мяжу ў чэрвені.

«Я павінен быў выйсці ў чэрвені разам з Алесем Бяляцкім, але нас у апошнюю хвіліну беларускія ўлады выкрасілі са спісаў і замянілі на іншых. Я вельмі ўзрадаваўся, калі даведаўся, ужо пачаў адлічваць дні», — напісаў Лосік у Threads.

Ігар Лосік уваходзіў у лік 52 чалавек, вызваленых 11 верасня з беларускіх калоній. Пасля вызвалення людзей вывезлі ў Літву, у некаторых былых палітвязняў забралі пашпарты.

29 верасня прадстаўнік прэзідэнта ЗША Джон Коул напісаў у X (Твітары), што працуе над вызваленнем 63-гадовага Алеся Бяляцкага і іншых палітвязняў у Беларусі. Карыстальнікі ўдакладнілі ў яго, калі Бяляцкі можа выйсці на волю, на што Коул адказаў: «Вельмі хутка».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com