Навукоўцаў здзівіла, як змяняецца наш мозг пры зносінах з рознымі людзьмі
3- 10.10.2025, 19:28
- 2,328
Наш мозг умее імгненна прыстасоўвацца да голасу суразмоўцы.
Наш мозг умее імгненна прыстасоўвацца да голасу суразмоўцы, каб лепш яго зразумець, і нават змяняе ўласнае маўленне ў адказ. Да такіх высноваў прыйшоў нейрабіёлаг Орхун Улушахін з Універсітэта Радбаўда. Пра гэта паведамляе Універсітэт Неймегена.
«У пэўным сэнсе кожнага чалавека мы слухаем рознымі вушамі, бо ўсе гавораць па-рознаму», — адзначыў даследчык.
Па словах вучонага, ні адзін чалавек не гучыць гэтак жа, як іншы: пяцігадовае дзіця і васьмідзесяцігадовы мужчына вымаўляюць адно і тое ж слова зусім інакш. Каб разумець маўленне ў такіх умовах, мозг пастаянна «наладжваецца» на канкрэтнага гаворцу — падладжваецца пад хуткасць, тэмбр, вышыню голасу, акцэнт і нават інтанацыю.
Аднак, як паказала даследаванне, гэтая здольнасць дзейнічае не толькі пры ўспрыманні, але і пры маўленні.
«Тое, што вы ведаеце пра манеру маўлення суразмоўцы, уплывае на тое, як вы размаўляеце самі. У дыялогу людзі міжвольна падладжваюць вышыню і тэмбр уласнага голасу пад партнёра», — патлумачыў Улушахін.
У адным з эксперыментаў удзельнікі слухалі запісаныя фразы і мусілі паўтараць іх у тым самым тэмпе. Навукоўцы аналізавалі не толькі сінхроннасць маўлення, але і вышыню голасу. Тыя, хто чуў фразу ў больш высокім тоне, самі пачыналі гаварыць вышэй, і наадварот.
Цікава, што пры працяглым праслухоўванні аднога і таго ж запісу эфект аслабляўся. Калі, напрыклад, удзельнікі дваццаць хвілін слухалі высокі жаночы голас, а затым той жа голас у больш нізкім тоне, яны ўжо менш падладжваліся. Гэта сведчыць пра тое, што мозг выкарыстоўвае назапашаную інфармацыю пра гаворцу, а не рэагуе на кожны гук «з нуля».
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
