Беларусы сталі менш піць
7- 13.10.2025, 11:20
- 2,774
Што кажа статыстыка.
У 2024 годзе агульны аб’ём спажывання алкаголю ў Беларусі на душу насельніцтва ва ўзросце 15 гадоў і старэй у пераразліку на абсалютны алкаголь склаў 11,1 літра. У 2023-м гэты паказчык быў на ўзроўні 11,5 літра. Пра гэта паведамляе Белстат.
Пры гэтым аб’ём спажывання зарэгістраванага алкаголю на душу насельніцтва летась быў на ўзроўні 10,5 літра (у 2023-м — 10,9 літра).
У мінулым годзе ў натуральным вымярэнні аб’ём спажывання некаторых відаў алкагольных напояў у Беларусі быў наступным:
піва — 46 597 тыс. дэкалітраў (1 дэкалітр = 10 літраў);
гарэлка — 8329 тыс. дэкалітраў;
слабаалкагольныя напоі — 4968 тыс. дэкалітраў;
плодавае віно — 4177 тыс. дэкалітраў;
вінаграднае віно — 3536 тыс. дэкалітраў;
каньяк, каньячныя напоі і брэндзі — 1229 тыс. дэкалітраў.