Адказы на важныя пытанні пра міжнародную ахову ў Польшчы

Ці выплачваюць беларусам дапамогу?

У Польшчы Упраўленне па справах замежнікаў не паспявае разглядаць заявы аб прадастаўленні міжнароднай аховы на працягу шасці месяцаў. З-за вялікага наплыву заяў тэрміны разгляду спраў замарожаныя да 4 сакавіка 2026 года (але самі справы разглядаюцца). Гэта азначае, што многія заяўнікі атрымаюць рашэнні значна пазней, чым меркавалі.

Most сабраў адказы на пытанні, якія могуць узнікнуць у такой сітуацыі.

Калі можна працаваць?

Калі да падачы заявы на міжнародную ахову ў замежніка быў іншы дакумент, які дае доступ да рынку працы (віза, від на жыхарства, дазвол), гэтае права не анулюецца. Увесь час, пакуль тэрмін дзеяння дакумента не скончыцца, можна працаваць.

Калі такога дакумента не было або ягоны тэрмін ужо скончыўся, то ў першыя шэсць месяцаў чакання рашэння па міжнароднай ахове працаваць нельга.

Калі заява аб прадастаўленні міжнароднай аховы не была разгледжаная на працягу шасці месяцаў з дня яе падачы і парушэнне гэтага тэрміну адбылося не па віне заяўніка, то кіраўнік Упраўлення па справах замежнікаў выдае яму адпаведную даведку.

Такая даведка разам з часовым пасведчаннем асобы замежніка (Tymczasowe zaświadczenie tożsamości cudzoziemca, TZTC) дае доступ да рынку працы на тэрыторыі Польшчы. Дазвол дзейнічае да заканчэння разгляду справы.

Як і калі атрымаць даведку, якая дае права на працу

Заяву на атрыманне такой даведкі трэба накіраваць кіраўніку Упраўлення па справах замежнікаў.

На гарачай лініі дзяржаўнай установы паведамілі, што накіроўваць заявы можна загадзя, не чакаючы шасці месяцаў. Калі заяўнік ужо атрымаў паведамленне, што яго справу не разгледзяць у 6-месячны тэрмін, то заяву ўжо можна дасылаць. Але дазвол усё роўна будзе дзейнічаць толькі з той даты, калі пройдзе 6 месяцаў з дня падачы заявы.

У выпадках, вядомых MOST, заяўнікі атрымлівалі дазволы на працу даволі хутка.

Да чаго трэба быць гатовымі

У сувязі з тым, што многія працадаўцы сустракаюцца з такім дазволам на працу даволі рэдка, яны ставяцца да такіх дакументаў насцярожана. Некаторыя беларусы сутыкаліся з адмовай у працаўладкаванні, бо працадаўцы не хацелі рызыкаваць.

Ці можна атрымліваць дапамогу

Замежнікі, якія падчас разгляду заявы жывуць па-за цэнтрамі размяшчэння, у перыяд чакання атрымліваюць дапамогу (гэта не датычыцца тых, у каго ў Польшчы ўжо ёсць від на жыхарства). Але ў Упраўленні па справах замежнікаў паведамілі, што ў чалавека не павінна быць некалькіх крыніц фінансавання. А заробак — гэта крыніца забеспячэння.

Аднак сама выдача дазволу на працу не гарантуе, што праца адразу знойдзецца. Практыка беларускіх праваабарончых арганізацый паказвае, што заяўнікі, якія мелі права на дапамогу да атрымання дазволу і працаўладкавання, працягваюць яе атрымліваць і пасля.

А вось пытанне аб выплаце дапамогі 800+ на дзяцей — спрэчнае. Упраўленне сацыяльнага страхавання (ZUS) для прызначэння дапамогі можа запатрабаваць не толькі сам дазвол на працу і звесткі пра працаўладкаванне, але і дакумент на побыт. Часовае пасведчанне асобы такім дакументам не з'яўляецца.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com