Пакістан другі раз вылучыць Трампа на Нобелеўскую прэмію міру

Прэм’ер Пакістана заявіў, што прэзідэнт ЗША «выратаваў мільёны людзей», спрыяючы міру ў сектары Газы.

Урад Пакістана зноў парэкамендаваў кандыдатуру амерыканскага прэзідэнта Дональда Трампа на соісканне Нобелеўскай прэміі міру, заявіў прэм’ер краіны Шахбаз Шарыф на саміце з нагоды заканчэння вайны Ізраіля і ХАМАС у Шарм-эш-Шэйху.

Трансляцыю мерапрыемства вяла Al Jazeera. Шарыф нагадаў, што ўпершыню Пакістан вылучыў Трампа «за ягоны выбітны, выключны ўклад у спыненне вайны паміж Індыяй і Пакістанам».

У 2025 годзе прэмію ўручылі апазіцыйнай венесуэльскай палітычнай дзеячцы Марыі Карыне Мачада. Каментуючы гэтае рашэнне, Белы дом заявіў, што Трамп будзе і надалей заключаць мірныя пагадненні і спыняць войны, падкрэсліўшы, што «Нобелеўскі камітэт засведчыў, што ставіць палітыку вышэй за мір».

На думку пакістанскага прэм’ера, Трамп заслужыў прэмію, паколькі «выратаваў мільёны людзей», у тым ліку дзякуючы спыненню агню ў сектары Газы. У сувязі з гэтым Ісламабад вылучыць палітыка ў якасці кандыдата на соісканне Нобелеўкі ў 2026 годзе.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com