Байдэн пахваліў Трампа
2- 14.10.2025, 9:52
- 6,084
Былы прэзідэнт ЗША заявіў, што «адчувае палёгку».
Былы прэзідэнт ЗША Джо Байдэн адзначыў уклад дзеючага прэзідэнта ЗША Дональда Трампа і яго каманды ў спыненні вайны ў Сектары Газы паміж Ізраілем і групоўкай ХАМАС.
Пра гэта ён напісаў у сваім X.
«Я глыбока ўдзячны і адчуваю палёгку, што гэты дзень настаў — для апошніх 20 жывых закладнікаў, якія прайшлі праз неверагоднае пекла і нарэшце ўз’ядналіся са сваімі сем’ямі і блізкімі, а таксама для мірных жыхароў Газы, якія панеслі непамерныя страты і нарэшце атрымаюць шанец аднавіць сваё жыццё», — адзначыў Байдэн.
Ён дадаў, што «шлях да гэтай дамовы быў нялёгкі» і ўзгадаў пра «няспынную працу» яго адміністрацыі, накіраваную на вяртанне закладнікаў дадому, аказанне дапамогі палестынскім мірным жыхарам і спыненне вайны.
Былы прэзідэнт адзначыў, што менавіта намаганні Трампа дапамаглі давесці да канца працэс заключэння новага перамір’я.
Паводле слоў Байдэна, дзякуючы падтрымцы Злучаных Штатаў і міжнароднай супольнасці Блізкі Усход атрымаў шанец на працяглы мір, які дасць магчымасць як ізраільцянам, так і палестынцам жыць у бяспецы, з годнасцю і ў міры.
I am deeply grateful and relieved that this day has come – for the last living 20 hostages who have been through unimaginable hell and are finally reunited with their families and loved ones, and for the civilians in Gaza who have experienced immeasurable loss and will finally…
— Joe Biden (@JoeBiden) October 13, 2025
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
