NSJ: Пуцін прайграе вайну на ўсіх франтах
1- 14.10.2025, 10:46
- 4,892
Галоўны ўдар быў нанесены па эканоміцы рэжыму.
Расія церпіць паразу на фронце ва Украіне, а эканоміка краіны імкліва пагаршаецца з-за паспяховых атак украінскіх беспілотнікаў на нафтавую інфраструктуру, піша National Security Journal (пераклад — сайт Charter97.org).
Аглядальнік The Daily Telegraph Амброз Эванс-Прічард адзначае, што летняе наступленне Расіі, на якое Крэмль ускладаў вялікія надзеі, правалілася. Страты складалі каля 800 чалавек у дзень, але стратэгічных мэтаў Масква не дасягнула. Украіна ўтрымлівае ўмацаваную лінію абароны на Данбасе, а расійскія войскі не здолелі прарваць «пояс крэпасцяў».
Галоўны ўдар для рэжыму Пуціна прыйшоў з іншага боку — эканамічнага. Украінскія дроны вывелі з ладу да 38% магутнасцяў нафтаперапрацоўкі Расіі. У выніку ў дваццаці рэгіёнах краіны ўведзена нарміраванне паліва, а на аўтазапраўках абмежаваны продаж бензіну.
Паводле дадзеных Goldman Sachs, здабыча нафты ў Расіі знізілася з 9,7 да 9 млн барэляў у суткі і можа ўпасці да 7,5 млн. Даходы ад экспарту нафты, газу і вугалю ўпалі да мінімальнага ўзроўню за тры гады, што падрывае здольнасць Крамля фінансаваць вайну.
Былы міністр абароны Украіны Андрэй Загароднюк адзначыў, што «Расія не можа абараніць свае стратэгічныя аб’екты» і што «традыцыйная вайна мёртвая» — вырашальнае значэнне маюць тэхналогіі і танныя беспілотнікі.
Польскі віцэ-прэм’ер Радослав Сікорскі у The New York Times падкрэсліў, што адзіны спосаб прымусіць Пуціна сесці за стол перамоў — працягваць ваенную і фінансавую падтрымку Кіева, пазбаўляючы Маскву шанцаў на перамогу.
«Расіі не патрэбныя новыя тэрыторыі. Ёй варта навучыцца клапаціцца пра тое, што ў яе ўжо ёсць. Эпоха імперый скончылася», — падсумаваў Сікорскі.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
