«А рыбак трэба рэгістраваць?»
14- 14.10.2025, 11:32
- 8,178
У сацсетках абмяркоўваюць штрафы, пра існаванне якіх многія нават не здагадваюцца.
У TikTok разгарэлася абмеркаванне з-за патрабавання чыноўнікаў, паводле якога ўладальнікі сабак і катоў у кватэры павінны іх зарэгістраваць, інакш можна атрымаць штраф. Таксама некаторыя людзі расказвалі ў сацсетцы пра падатак для ўладальнікаў сабак. Апублікаванае відэа пра гэты збор ужо набрала больш за 1,3 млн праглядаў, піша «Зеркало».
Пра якія штрафы ідзе гаворка
Галоўнае ўпраўленне юстыцыі Гомельскага аблвыканкама паведаміла, што ўладальнікі сабак і катоў павінны зарэгістраваць гэтых жывёл пасля іх з’яўлення ў кватэры або доме. На гэта адводзіцца тры дні. Рэгістрацыю можна прайсці праз «адно акно» мясцовага выканкама або ў ЖЭС. Пры сабе трэба мець дакумент, што сведчыць асобу. Як паведамляецца, гэта прадугледжана Правіламі ўтрымання дамашніх сабак, катоў, а таксама адлову бязнаглядных жывёл у населеных пунктах (пункт 9).
Жывёл рэгіструюць бясплатна на працягу аднаго працоўнага дня.
«Парушэнне правілаў (арт. 16.30 КаАП Рэспублікі Беларусь) утрымання сабак і катоў цягне папярэджанне або накладанне штрафу ў памеры да 15 базавых велічынь (на сёння гэта 630 рублёў. — Заўв. рэд.). Тое ж парушэнне, якое пацягнула прычыненне шкоды здароўю людзей або маёмасці, цягне накладанне штрафу ад 10 да 30 базавых велічынь (ад 420 да 1260 рублёў. — Заўв. рэд.), або грамадскія работы, або адміністрацыйны арышт», — папярэдзіла Галоўнае ўпраўленне юстыцыі Гомельскага аблвыканкама.
Што пра гэтыя штрафы кажуць беларусы
У TikTok пад пастом з расповедам пра гэтую адказнасць для ўладальнікаў сабак і катоў разгарнулася вельмі актыўнае абмеркаванне. Вось некаторыя каментарыі:
«Мой кот — дармаед, ён не працуе. Можа, за яго яшчэ штраф плаціць?»
«А шматдзетным сем’ям будуць ільготы?»
«А рыбак трэба рэгістраваць?»
«У мяне ў тамбуры павучок вісіць, мы яго любім. Мне таксама яго рэгістраваць?»
«Папугая трэба рэгістраваць, хто ведае?»
«Слава Богу, калі прыходзяць госці, котка хаваецца на два дні — падаткі не хоча плаціць».
«Маёй котцы 15 гадоў. А пенсійныя ільготы ёсць?»
«Няхай ЖКГ займаецца сваімі абавязкамі!»
«З кожным днём жыццё цікавейшае».
«А пасля смерці даведка патрэбная?»
Адзін з каментатараў успомніў, што ў Беларусі існуе падатак для ўладальнікаў сабак, якім больш за тры месяцы. Яго трэба ўносіць адзін раз у квартал. Пры гэтым сабаку трэба зарэгістраваць. Гэта можна зрабіць у службе «адно акно» раённых і гарадскіх выканкамаў, у сталіцы — адміністрацыях раёнаў. Рахунак за ўтрыманне сабакі выстаўляюць у жыроўках на аплату камунальных паслуг.
Гэты падатак у гэтым годзе павысілі да 13 рублёў (было 11,9 рубля). Пры гэтым за патэнцыйна небяспечныя пароды сабак падатак павялічылі да 63 рублёў (раней — 59,6 рубля).
За нявыплату падатку за валоданне сабакамі, як і любога іншага падатку, могуць выпісаць штраф — да 15 базавых велічынь, або 630 рублёў, калі не зарэгістраваць хатняга ўлюбёнца і не ўнесці збор.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
