Расіяне атакавалі беспілотнікамі і артылерыяй гуманітарны канвой ААН

Удар нанесены па грузавіках з маркіроўкай WFP.

Расійскія акупанты раніцай 14 кастрычніка атакавалі грузавікі Арганізацыі Аб'яднаных Нацый у Херсонскай вобласці Украіны, якія належалі Упраўленню па каардынацыі гуманітарных спраў. Пра гэта паведаміў кіраўнік ОВА Аляксандр Пракудзін, піша New Voice.

Паводле яго слоў, грузавікі гуманітарнай місіі патрапілі пад абстрэл у Белазёрскай грамадзе. Расіяне прыцэльна білі па іх з беспілотнікаў і артылерыі.

Чатыры грузавікі з маркіроўкай WFP, што везлі дапамогу насельніцтву, трапілі пад удар. У выніку адзін транспарт згарэў, яшчэ адзін атрымаў сур'ёзныя пашкоджанні, а два іншыя змаглі вырвацца з-пад удараў. Пацярпелых няма.

«Сёння „другая армія“ свету перамагла некалькі тон „гуманітаркі“. Тэрарысты — больш тут сказаць няма чаго», — напісаў Пракудзін.

WFP — Сусветная харчовая праграма, звяно Арганізацыі Аб'яднаных Нацый па пытаннях аказання харчовай дапамогі, найбуйнейшае падраздзяленне гуманітарнай дапамогі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com