Навукоўцы развянчалі некалькі міфаў пра сабак

Сабакі бачаць колеры, але іх цікавіць зусім іншае.

Нягледзячы на тое, што навукоўцы ўжо даўно вывучаюць кагнітыўныя функцыі сабак, іх зрок пачалі даследаваць зусім нядаўна. У выніку існуе мноства памылковых уяўленняў пра тое, што бачаць сабакі, а чаго — не.

«Сабакі бачаць колеры навакольнага свету, ён не чорна-белы для іх, як лічаць многія людзі», — кажа даследчыца з Лабараторыі сабак Універсітэта Браўна Мадлен Х. Пэлгрым.

Уся справа ў тым, што сабакі — дэхраматы, гэта значыць у іх вачах усяго два тыпы колерных колбачак. У той жа час у чалавечых вачах — тры тыпы колерных колбачак. Таму людзі могуць бачыць чырвоны, жоўты, сіні, а таксама ўвесь спектр паміж імі, напрыклад, аранжавы або зялёны. Тым часам колбачкі сабак здольныя ўспрымаць толькі жоўты і сіні, бо ў іх няма сярэднехвалевых колбачак, здольных успрымаць зялёны, — піша Discover.

Сабакі даволі добра бачаць удзень і нават могуць выкарыстоўваць каляровыя падказкі. Але зрок у гэтых жывёл не такі востры, як у людзей.

«Мы ведаем, што вастрыня зроку ў сабак горшая, чым у людзей», — кажа Пэлгрым.

Нягледзячы на тое, што зрок у сабак менш востры, яны ўсё адно выкарыстоўваюць яго, каб засяроджвацца на важных для іх аб'ектах.

У адным з даследаванняў навукоўцы надзелі на 11 сабак акуляры з прыладай для адсочвання рухаў вачэй. У групу ўвайшлі пяць метысаў, два залатыя рэтрыверы, адзін аўстралійскі лабрадудэль і адна мініяцюрная амерыканская аўчарка.

Пасля гэтага сабак выгульвалі па зададзеным маршруце, а прылады ў цэлым зафіксавалі больш за 20 тыс. позіркаў. Пасля таго як з агульнай колькасці былі адлічаныя позіркі, звязаныя з абнюхваннем, выбарка скарацілася да 11 698.

Вынікі паказалі, што сабакі канцэнтравалі зрок на тым, што самі лічылі цікавым. Найчасцей жывёлы глядзелі на людзей, расліны, транспарт і перад сабой.

«Цяпер мы ведаем, які працэнт часу яны глядзяць на зямлю перад сабой. Гэта не надта адрозніваецца ад таго, як глядзяць людзі», — кажа Пэлгрым.

Сабакі лічылі цікавымі вельмі розныя аб'екты. Напрыклад, падчас эксперыменту адна сабака была зачараваная аўтобусам, які курсіраваў па кампусе Універсітэта Браўна.

«Кожны раз, калі міма праязджаў аўтобус, сабака была ім зачараваная. Іншы ж шчанюк увогуле не звяртаў ніякай увагі на аўтобус, ён нават не глядзеў на яго», — распавядае даследчыца.

Але амаль усе сабакі мелі адзін агульны інтарэс — да людзей. Падчас гэтага эксперыменту сабакам дазволілі свабодна гуляць, каб убачыць, на што яны аддаюць перавагу глядзець.

Сабакі, якія ўдзельнічалі ў даследаванні, не толькі лічылі людзей цікавымі, але і па-рознаму глядзелі на розных людзей.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com