Пуціна папярэдзілі

Каротка пра Tomahawk.

Расіяне зрабілі некалькі істэрычных заяў пра Tomahawk: Мядзведзеў усіх пужаў «бруднай бомбай», а Пяскоў — спыніўся за крок ад Трэцяй сусветнай.

Такім чынам, калі каротка, што гэта значыць.

Калі праводзіць аналогію з усімі папярэднімі падзеямі, дазвол амерыканцаў на пэўны тып зброі адкрывае магчымасць атрымання еўрапейскіх аналагаў (у гэтым канкрэтным выпадку тэарэтычна можа ісці гаворка пра TAURUS).

Расіяне цалкам маюць рацыю, калі кажуць, што Tomahawk наўрад ці можа змяніць ход вайны на полі бою. Але Tomahawk, якія расійская СПА не зможа перахопліваць, ствараюць пагрозу таго, што Украіна можа, як мінімум, часткова спыніць экспарт расійскай нафты. На працягу месяца Украіна нанесла два ўдары па партах Усць-Луга і Прыморск, а таксама па перапампоўвальных станцыях. Гэта, падаецца, была дэманстрацыя таго, што амерыканцы могуць зняць забарону на ўдары па гэтых аб’ектах (падкрэсліваю: не знялі, а могуць зняць).

Украіна, вядома, пры гэтым вельмі рызыкуе, бо гэта прывядзе да масіраваных удараў па экспартнай інфраструктуры партоў Вялікай Адэсы.

Пры гэтым у Вашынгтоне, падаецца, лічаць, што страх перад атрыманнем Tomahawk можа працаваць сам па сабе. Урэшце, Tomahawk — гэта не толькі і не столькі пра Украіну, колькі папярэджанне: паспрабуеце нешта зрабіць у вайсковым плане са дзяржавамі НАТА — як мінімум атрымаеце знішчэнне ўсёй інфраструктуры нафтавага экспарту. І, паўтаруся, расіяне ведаюць, што нічога не змогуць супрацьпаставіць.

Я застаюся на пазіцыях, што РФ цяпер не можа ўступаць у вайну з дзяржавамі НАТА. Яны да гэтага не гатовыя, што ўскосна паказвае камплементарнасць заяў Пуціна наконт Трампа (на «Валдаі» ён сем разоў згадаў прэзідэнта ЗША).

Пакуль гісторыя пра Tomahawk — гэта частка гібрыднай вайны ЗША супраць Расіі з мэтай прымусу да перамоваў.

На жаль, расіяне будуць спрабаваць разыгрываць такую гульню: мы не нападаем на НАТА, а вы (амерыканцы) пакуль даеце нам (расіянам) магчымасць ваяваць ва Украіне. Таму формула «перамовы пасля спынення агню» застаецца нашай галоўнай мэтай.

Вадзім Дзянісенка, «Фэйсбук»

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com