Жыхар Шклова абурыўся ў сацсетцы адзнакай за хатняе заданне па матэматыцы з правільным адказам

Што не так?

Відэа з абурлівым пытаннем да настаўнікаў ад дзядзькі трэцякласніка са Шклова набрала дзясяткі тысяч праглядаў у TikTok. Прычына — спрэчная, на думку сваяка, адзнака за хатняе заданне па матэматыцы, дзе пры правільным адказе і акуратным почырку бал знізілі з-за размяшчэння лічбаў, піша («Могилев Онлайн».

Хатняе заданне дзяцей — тое, над чым нярэдка «завісаюць» і бацькі. Асаблівае недаўменне ў асобных бацькоў могуць выклікаць адзнакі настаўнікаў. Так, напрыклад, нядаўна ў TikTok вірусілася відэа ад магілёўчанкі, якая абуралася зніжэннем адзнак з-за почырку.

Гэтым разам у сацсетцы «заляцеў» відэаролік аднаго з бацькоў са Шклова.

Мужчына звярнуў увагу на адзнаку, якую настаўнік паставіў яго пляменніку-трэцякласніку за хатняе заданне. Нягледзячы на акуратны почырк і правільны адказ у задачы, замест жаданай «дзясяткі» дзіця атрымала «васьмёрку». Прычынай зніжэння адзнакі, меркуючы па выпраўленнях чырвонай ручкай, стала няправільнае размяшчэнне лічбаў падчас мнажэння.

«У мяне пытанне да настаўнікаў: дзе ваша логіка? Што ён зрабіў няправільна?» — абурыўся аўтар відэароліка з нікам pro100ger у TikTok.

За суткі ролік сабраў звыш 135 тысяч праглядаў і больш за 640 каментароў. Карыстальнікі сацсеткі, як звычайна, падзяліліся на два супрацьлеглыя лягеры. Адны каментатары папракалі настаўніка ў некампетэнтнасці, іншыя ўступіліся за яго і паспрабавалі абгрунтаваць, чаму ён панізіў адзнаку.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com