Літоўскія памежнікі не прапусцілі беларуса ў краіну

У чым прычына?

Беларуса на грузавым аўтамабілі не прапусцілі ў Літву. Прычынай стала падробленае пасведчанне аб рэгістрацыі транспартнага сродку, паведамляе літоўская мытня. Пасля агляду мікрааўтобуса супрацоўнікі VSAT выявілі яшчэ два відазмененыя дакументы. Дарэчы, нумарныя знакі таксама аказаліся несапраўднымі.

45-гадовы грамадзянін Беларусі прыехаў на пункт пропуску на Renault Master з кыргызскімі нумарамі і прад’явіў памежнікам дакументы. У яго пашпарт была ўклеена кароткатэрміновая віза Італіі. Пасля ўважлівай праверкі было ўстаноўлена, што пасведчанне аб рэгістрацыі з’яўляецца падробкай, паколькі не адпавядала патрабаванням да афармлення падобных дакументаў, паведамляе літоўская мытня.

Пасля агляду аўтамабіля было знойдзена яшчэ адно пасведчанне, якое ацанілі як частковую падробку: катэгорыя была зменена з грузавога аўтамабіля на мінівэн. Знойдзена і трэцяе, у якім выдалены запіс аб тыпе катэгорыі транспартнага сродку.

Таксама пярэдні нумарны знак Renault Master аказаўся падробленым. Арыгінальны кыргызскі нумар быў устаноўлены толькі ззаду. Яшчэ адзін сапраўдны дзяржнумар ляжаў у машыне.

З улікам усяго гэтага ў дачыненні да беларуса быў складзены пратакол аб адміністрацыйным правапарушэнні, і яму быў выпісаны штраф у памеры 120 еўра. Мужчына прызнаўся ў куплі падробленых нумарных знакаў.

Беларус прад’явіў супрацоўнікам VSAT тры пашпарты, дзейныя да 2034—2035 гадоў. Адзін з іх аказаўся ануляваны, хоць у ім была пастаўлена дзейная віза.

Мужчына распавёў, што ехаў у Літву наведаць сябра.

— Грамадзяніну Беларусі рашэннем аб адмове ва ўездзе на мяжы не быў дазволены ўезд у Літву. Вадзіцель вярнуўся ў Беларусь на аўтамабілі Renault Master. У яго былі вылучаныя два падробленыя пасведчанні аб рэгістрацыі транспартнага сродку і падробленыя нумарныя знакі, якія часова захоўваюцца на памежным пункце пропуску Падварёнис, — паведамляе літоўская мытня.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com