Зяленскі пазбавіў мэра Адэсы Труханава ўкраінскага грамадзянства

Праверка СБУ пацвердзіла наяўнасць у яго расійскага пашпарта.

Прэзідэнт Украіны Уладзімір Зяленскі у панядзелак, 14 кастрычніка, заявіў, што ў некаторых асоб пацверджана наяўнасць расійскага грамадзянства.

Зяленскі паведаміў, што правёў нараду па сітуацыі з бяспекай у некаторых рэгіёнах Украіны і заслухаў даклад кіраўніка СБУ Васіля Малюка па супрацьдзеянні расійскім агентурным сеткам і калабарацыяністам.

«Пацверджана наяўнасць расійскага грамадзянства ў некаторых асоб — падрыхтаваныя адпаведныя рашэнні адносна іх. Указ падпісаў», — адзначыў прэзідэнт.

У эфіры тэлемарафона «Єдині новини» са спасылкай на крыніцу ў дзяржаўнай уладзе паведамілі, што Зяленскі падпісаў указы аб пазбаўленні ўкраінскага грамадзянства мэра Адэсы Генадзія Труханава, былога народнага дэпутата ад забароненай ОПЗЖ Алега Царова і артыста балета Сяргея Палуніна.

Петыцыя з патрабаваннем пазбавіць Труханава ўкраінскага грамадзянства сабрала неабходныя для разгляду 25 000 подпісаў усяго за некалькі гадзін.

Раней мэр Адэсы запэўніваў, што гатовы прайсці любую праверку, у тым ліку і на паліграфе, каб даказаць, што не мае расійскага грамадзянства.

У верасні 2024 года валанцёр і блогер Сяргей Стерненка заявіў, што атрымаў з расійскіх базаў даных інфармацыю, якая пацвярджае наяўнасць у Труханава грамадзянства РФ.

Стерненка паведаміў, што, паводле ягоных звестак, мэр Адэсы аформіў таксама расійскую банкаўскую картку. Паводле яго інфармацыі, гэта адбылося 9 лютага 2022 года — за дзве тыдні да паўнамаштабнага ўварвання Расіі ва Украіну.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com