Беларуска дапамагала мігрантам легалізавацца ва Украіне праз шлюб

У выніку сама страціла від на жыхарства.

Дзяржаўная міграцыйная служба Украіны на падставе інфармацыі Службы бяспекі Украіны анулявала пастаянны від на жыхарства ў краіне грамадзянцы Беларусі, якая выходзіла замуж за замежнікаў з краін «міграцыйнай рызыкі» і такім чынам дапамагала ім легалізавацца, даведалася «Радыё Свабода».

Як стала вядома журналістам з крыніц у праваахоўных органах Украіны, беларуску прызналі пагрозай нацыянальнай бяспецы Украіны. Яна прайшла ўсе этапы судовага абскарджвання рашэння міграцыйнай службы, але суд апошняй інстанцыі прызнаў законнымі ўсе пастановы, прынятыя судам першай інстанцыі. Цяпер яна павінна выехаць з Украіны, хоць тэрмін дзеяння яе беларускага пашпарта скончыўся ў 2023 годзе.

Беларуска ў 2018 годзе, згодна з заканадаўствам, звярнулася па дазвол на іміграцыю, бо была ў шлюбе з грамадзянінам Украіны больш за два гады. У 2019 годзе яна атрымала такі дазвол, а на яго падставе ў 2020 годзе — і пастаянны від на жыхарства ва Украіне.

Паводле інфармацыі Дзяржаўнага рэестра актаў грамадзянскага стану, у жніўні 2020 года яна выйшла замуж за грамадзяніна Нігерыі, які на падставе гэтага шлюбу таксама атрымаў дазвол на іміграцыю і на пастаяннае пражыванне ва Украіне. У студзені 2021 года — за грамадзяніна Узбекістана, у маі 2021 года — яшчэ за аднаго грамадзяніна Нігерыі, а ў студзені 2022 года — таксама за грамадзяніна Нігерыі.

Усе шлюбы цягнуліся 5—6 месяцаў і скасоўваліся пасля таго, як яе мужы атрымлівалі пастаянную легалізацыю ва Украіне. Тры яе былыя мужы пасля атрымання неабходных дакументаў выехалі з Украіны, а адзін дагэтуль застаецца на тэрыторыі Украіны.

У адным з судовых рашэнняў па справе беларускай адзначалася, што міграцыйная служба пазбавіла яе права пастаянна жыць ва Украіне на падставе «аператыўнай інфармацыі», паводле якой яна «мае дачыненне да арганізацыі і функцыянавання канала нелегальнай іміграцыі выхадцаў з краін так званай «міграцыйнай рызыкі» і іх далейшай легалізацыі на фіктыўных падставах на тэрыторыі Украіны».

Суддзі прыйшлі да высновы, што грамадзянка Беларусі выходзіла замуж за замежнікаў «без намеру стварыць сям’ю, а выключна для іх легалізацыі на тэрыторыі Украіны».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com