Лукашэнка пафантазіяваў пра Нобелеўскую прэмію

Раней дыктатар двойчы ўдастойваўся Шнобелеўскай прэміі.

Дыктатар Аляксандр Лукашэнка пафантазіяваў пра тое, што адмовіўся б ад Нобелеўскай прэміі, калі б яе прысудзілі яму.

«Я часам так думаю: калі б камусьці з вас або мне прапанавалі гэтую прэмію, я б дакладна ад яе адмовіўся. Бо, ну, паслухайце, мы па нашых дзеячах ведаем, які ўнёсак яны зрабілі ва ўсталяванне міру ў свеце наогул. Ды нічога не зрабілі. Наадварот — спрыялі і падштурхоўваюць Беларусь да гэтай так званай вайны», — сказаў дыктатар на нарадзе ў Мінску па пытаннях глабальнай міжнароднай абстаноўкі і развіцця беларуска-амерыканскіх адносін.

Адзначым, Лукашэнка двойчы ўдастойваўся «сумежнай» Шнобелеўскай прэміі (Ig Nobel Prize), якой іранічна ўзнагароджваюць людзей з розных сфер за вельмі неадназначныя дзеянні. Так, у 2013-м Лукашэнка быў адзначаны прэміяй за забарону публічных апладысментаў і затрыманне міліцыяй за гэта аднарукага чалавека, а ў 2020-м — за ігнараванне пандэміі каранавіруса.

Нагадаем, беларусы двойчы станавіліся лаўрэатамі Нобелеўскай прэміі. У 2015 годзе Нобелеўку па літаратуры атрымала беларуская пісьменніца Святлана Алексіевіч. У 2022 годзе лаўрэатам Нобелеўскай прэміі міру стаў беларускі праваабаронца і палітвязень Алесь Бяляцкі.

Бяляцкага двойчы саджалі ў беларускую турму. Бяляцкага затрымалі ў жніўні 2011 года. На волю ён выйшаў у чэрвені 2014 года па амністыі. За 1052 дні, праведзеныя ў бабруйскай калоніі № 2, Бяляцкі напісаў дзве кнігі. Другі раз праваабаронцу затрымалі пасля выбараў і пратэстаў — 14 ліпеня 2021 года. Прысуд быў вынесены 3 сакавіка 2023 года — 10 гадоў калоніі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com