У Расіі губернатар матам звольніў кіраўніка раёна

Скандальнае відэа кароткага дыялогу з'явілася ў сацсетках.

Губернатар Самарскай вобласці Расіі Вячаслаў Фядорышчаў матам звольніў кіраўніка Кінельскага раёна Юрыя Жыдкова. Скандальнае відэа іх кароткага дыялогу 14 кастрычніка з'явілася ў сацсетках.

Кадравыя перастаноўкі кіраўнік Самарскай вобласці зрабіў падчас працоўнага візіту ў Кінельскі раён. Чыноўнік застаўся незадаволены тым, як мясцовыя ўлады адрамантавалі дом культуры, школу і іншыя аб'екты.

— Гэта проста камень? — спытаў Фядорышчаў.

— Так, — адказаў Жыдкоў.

— Звольнены, на ***, — сказаў губернатар, двойчы хлопнуўшы кіраўніка Кінельскага раёна па плячы, і пайшоў.

Пазней Фядорышчаў апублікаваў ва «ВКонтакте» поўны відэазапіс сваёй размовы з Жыдковым. З роліка вынікае, што чыноўнікі абмяркоўвалі камень з разбітай мемарыяльнай таблічкай са словамі «На гэтым месцы будзе ўзведзены абеліск нашым землякам — удзельнікам Вялікай Айчыннай вайны».

«Кіраўнік [Кінельскага] раёна палічыў, што гэта «проста камень». А значыць, можа ляжаць як смецце. Можна выправіць недахоп кампетэнцый, досведу, ведаў. Але калі ў душы такое стаўленне да нашых герояў — гэта край. Занадта эмацыйна? Так. Звольнены», — напісаў Фядорышчаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com