У Польшчы хочуць узмацніць кантроль за набыццём нерухомасці замежнікамі

Што важна ведаць беларусам.

У Польшчы хочуць увесці электронную перадачу даных аб набыцці замежнікамі нерухомасці, а таксама акцый і доляў у кампаніях, якія валодаюць нерухомасцю. Праект такога закона з'явіўся ў сістэме актаў, над якімі працуе ўрад, піша Most.

Наколькі можна меркаваць, удзельнікаў здзелак змены не закранаюць. Уводзіцца толькі абавязак натарыусаў перадаваць даныя пра такія здзелкі ў МУС праз электронную сістэму. Гэтае міністэрства вядзе рэестр, дзе змяшчаюцца звесткі пра валоданне нерухомасцю замежнікамі.

Асноўнай крыніцай інфармацыі для рэестра з'яўляюцца выпіскі з натарыяльных актаў. Натарыусы павінны накіроўваць іх цягам сямі дзён з дня іх складання. Але ў абгрунтаванні да законапраекта паведамляецца, што цяпер перадача вядзецца ў папяровай форме, і міністэрства штогод фіксуе выпадкі несвоечасовай перадачы дакументаў. Мяркуецца, што лічбавізацыя гэтага працэсу ліквідуе прававую няпэўнасць здзелак.

Як раней паведамлялася, у 2024 годзе замежнікі набылі ў Польшчы 17 330 кватэр — на 21% больш, чым годам раней. Больш за палову здзелак прыпала на ўкраінцаў — каля 9 тыс. — гэта на чвэрць больш, чым у 2023 годзе. Беларусы — на другім месцы. Яны набылі каля 3 тыс. кватэр агульнай плошчай амаль 180 тыс. кв. метраў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com