У Беларусі ўводзяць важнае валютнае абмежаванне

У банкаў таксама з’явіліся новаўвядзенні па доларах і еўра.

У Беларусі ўводзяць абмежаванне — забаранілі пазыкі паміж фізічнымі асобамі ў замежнай валюце. Выключэнне — блізкія сваякі. Наваўвядзенне павінна пачаць дзейнічаць у другой палове красавіка 2026 года. Тым часам банкі таксама анансавалі валютныя змены, піша «Зеркало».

«Тэхнабанк» з 10 кастрычніка змяніў памер камісіі за абмен зношаных і пашкоджаных банкнотаў. Цяпер яна складае 5% ад сумы, мінімум — 10 рублёў. Гаворка пра долары, еўра і расійскія рублі.

«Для кліентаў структурных падраздзяленняў «Тэхнабанка» па-за межамі Мінска пры аказанні дадзенай паслугі можа быць усталяваны іншы памер тарыфу», — удакладняе фінансавая ўстанова.

«Банк РРБ» з 1 снежня гэтага года ўнясе змены ў камісіі за некаторыя паслугі. Так, збор за залічэнне грошай на бягучы рахунак фізічнай асобы ў беларускіх рублях і замежнай валюце складзе 0,5% ад сумы. Але ёсць максімум — 500 рублёў.

Пры гэтым камісія не будзе распаўсюджвацца на некаторыя аперацыі. Напрыклад, сярод іх — залічэнне грошай паміж кліентамі гэтага банка. А таксама — па тых сродках, якія паступілі праз сістэму імгненных плацяжоў або АРІП.

«Парытэтбанк» з 17 кастрычніка змяніў камісію за замену зношаных, пашкоджаных, але тых, што захавалі прыкметы плацежнасці, банкнотаў долараў і еўра. Цяпер збор складае 5% ад сумы (мінімум — 5 рублёў).

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com