El Pais: У ЕС лічаць абразай саміт Трампа і Пуціна ў Будапешце

Гаспадара Крамля заставяць ляцець больш доўгім маршрутам.

У Еўрапейскім саюзе лічаць абразай факт, што сустрэча прэзідэнта ЗША Дональда Трампа і кіраўніка Крамля Пуціна для абмеркавання міру ва Украіне адбудзецца ў сталіцы Венгрыі, паведамляе РБК-Украіна са спасылкай на El Pais.

Выданне піша, што будучая сустрэча Трампа і Пуціна ў Будапешце ставіць ЕС і НАТА ў няёмкае становішча, бо кіраўнікі дзяржаў будуць абмяркоўваць украінскае пытанне ў краіне ЕС, але без удзелу Еўрасаюза.

Таксама El Pais адзначае, што калі еўрапейскія лідары не хочуць раззлаваць Трампа, тады шэрагу краін давядзецца выдаць расійскаму дыктатару спецыяльныя дазволы на палёты ў сваёй паветранай прасторы, альбо прымусіць яго ляцець больш доўгім маршрутам.

У прыватнасці, самалёту Пуціна забаронена пралятаць над тэрыторыяй ЗША. Аднак у жніўні яму далі спецыяльны дазвол, каб узяць удзел у саміце на Алясцы.

Адзін з еўрапейскіх дыпламатаў сказаў, што выбар Будапешта можа як сыграць на карысць прэм’ер-міністру Венгрыі Віктару Орбану, так і пагоршыць разыходжанні ўнутры ЕС.

- Месца было абрана дбайна. Яно можа быць выгадным Расіі, паколькі пагаршае разыходжанні ўнутры ЕС адносна Крамля. І гэта таксама можа аказаць вялікую паслугу Орбану, у якога ў наступным годзе ў краіне выбары, - лічыць дыпламат.

У Бруселі сцвярджаюць, што сустрэча Трампа і Пуціна будзе карыснай, калі яна дапаможа дасягнуць прагрэсу ў спыненні вайны. Аднак прыватна некалькі крыніц заявілі пра «палітычны кашмар».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com