«Яны не змогуць абараніць усе ўразлівыя кропкі»

Пра эфектыўнасць дальнабойных удараў па РФ выказаўся украінскі вайсковец.

На сённяшні момант найбольш эфектыўным інструментам для абязкроўлівання ваеннай машыны Крамля застаюцца дальнабойныя ўдары Украіны па нафтаперапрацоўчай прамысловасці Расіі.

Такое меркаванне выказаў намеснік камандзіра асобнага атрада беспілотных сістэм спецыяльнага прызначэння «Тайфун» Нацыянальнай гвардыі Украіны Павел Гваздзенка.

- Праца дронамі, пачынаючы ад звычайных FPV-дронаў, і тым больш, калі гаварыць пра дыпстрайк-аперацыі, вельмі адчувальная. Мы мелі вельмі вялікія перавагі, я лічу, цяпер яны меншыя. Тым не менш, пакуль яны ёсць, бо развіццё тэхналогій уносіць вялікі ўклад у гэтую працу. Нават пры адсутнасці ўласных дальнабойных ракет мы бачым, што сітуацыя ў плане такіх удараў паляпшаецца. Удары па нафтаперапрацоўчых заводах, сховішчах даюць свае вынікі, — лічыць Гваздзенка.

Паводле меркавання намесніка камандзіра «Тайфуна», нягледзячы на тое, што непасрэдна на фронце эфект ад падобных удараў у значнай меры не адчуваецца, яго добра адчуваюць тылы праціўніка. У прыватнасці, ідзе гаворка пра сур'ёзны дэфіцыт паліва ў Расіі.

«На фронце мы пакуль не адчуваем вынікаў гэтых удараў, але бачым на прыкладзе таго ж акупаванага Крыма і некаторых рэгіёнаў Расіі дэфіцыт бензіну і дызпаліва. Мы глядзім відэа, дзе паказваюць вялікія чэргі да АЗС. Думаю, гэта якраз той паказчык, які павінен нам казаць, што мы на правільным шляху», — перакананы вайсковец.

У пачатку поўнамаштабнага ўварвання РФ Украіна не мела магчымасці наносіць удары ў глыбокі тыл ворага. Цяпер, дзякуючы, у тым ліку, і прыватным кампаніям, такая магчымасць з'явілася. На думку Гваздзенкі, практыку ўдараў з дапамогай беспілотнікаў трэба працягваць. Неабходна развіваць тэхналогіі і павялічваць колькасць дронаў. У гэтым могуць дапамагчы заходнія саюзнікі.

«Для рэалізацыі такіх задач патрэбна вельмі-вельмі нямала грошай, але, думаю, партнёры бачаць нашы поспехі і абавязкова будуць дапамагаць у вытворчасці максімальна магчымай колькасці такіх беспілотнікаў. Гэтыя ўдары трэба маштабаваць, рабіць па магчымасці больш налётаў, каб атрымаць максімальны эфект. Тады Расія будзе вымушаная сядаць за стол перамоваў», — лічыць ён.

РФ не зможа поўнасцю абараніць усе свае ўразлівыя кропкі з дапамогай РЭБаў і СПА, кажа Павел Гваздзенка. Іх занадта шмат. І гэтым фактарам трэба карыстацца.

«Мы разумеем, што тэрыторыя Расійскай Федэрацыі велізарная, адпаведна, сістэмай СПА поўнасцю прыкрыць усе аб'екты практычна нерэальна. Вядома, яны працуюць над тым, каб хаця б на пэўных ключавых аб'ектах паставіць сістэмы абароны: тыя ж РЭБы, тыя ж сістэмы СПА, якія будуць іх прыкрываць. Але нягледзячы на гэта, мы бачым, што ўкраінскія ўдары застаюцца эфектыўнымі», — кажа Гваздзенка.

Пры гэтым, паводле яго слоў, ворага не варта недаацэньваць. Расіяне вучацца, а гэта значыць, што і ўкраінскаму вайскова-прамысловаму комплексу нельга стаяць на месцы.

«Расіяне вучацца, тут не трэба недаацэньваць ворага. Яны вучацца пастаянна і маюць нядрэнны прагрэс. Для нас гэта пэўны сігнал, што таксама нельга спыняцца. Думаю, велізарная колькасць украінскіх інжынераў працуе, каб тыя тэхнічныя рашэнні, якія сёння тэстуюцца на палігонах, заўтра ўжо былі на полі бою. Таму ўпэўнены, што новыя вынікі будуць з'яўляцца пастаянна», — рэзюмаваў эксперт.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com