Меркель назвала каранавірус прычынай нападу Пуціна на Украіну

А таксама пачала абвінавачваць Польшчу і краіны Балтыі.

Былая канцлерка Германіі Ангела Меркель заявіла, што пазіцыя Польшчы і краін Балтыі ў 2021 годзе, а таксама пандэмія COVID-19 «паўплывалі» на рашэнне расійскага дыктатара Уладзіміра Пуціна пачаць поўнамаштабнае ўварванне ва Украіну.

Пра гэта яна сказала ў інтэрв’ю выданню Partizán падчас візыту ў Венгрыю.

Паводле слоў Меркель, у чэрвені 2021 года яна заўважыла, што Пуцін перастаў «сур’ёзна ўспрымаць» Мінскія пагадненні, якія былі заключаныя ў 2015-м. Таму неабходна было ствараць новы фармат перамоваў з Расіяй, супраць чаго выступілі краіны Балтыі і Польшча.

«Я хацела новага фармату, каб мы маглі размаўляць з Пуціным наўпрост як Еўрапейскі Саюз», — сказала былая канцлерка Германіі.

Паводле слоў Меркель, гэтыя чатыры краіны баяліся, што ўнутры ЕС не будзе агульнай палітыкі ў дачыненні да краіны-агрэсара.

Таксама на рашэнне Пуціна пачаць поўнамаштабную вайну супраць Украіны, паводле яе слоў, «паўплываў» каранавірус, з-за якога асабістыя перамовы з дыктатарам сталі немагчымымі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com