У Маладзечне памерла 21-гадовая дзяўчына пасля татуіроўкі

Яе яна набіла ў хатніх умовах.

Гэтым летам 21-гадовую жыхарку Маладзечна тэрмінова даставілі ў бальніцу. Нягледзячы на намаганні, выратаваць дзяўчыну не ўдалося. Пазней эксперты Дзяржаўнага камітэта судовых экспертыз устанавілі прычыну смерці — запаленчы працэс у арганізме.

Высветлілася, што незадоўга да смерці дзяўчына ў хатніх умовах зрабіла татуіроўку ў вобласці левага перадплечча. Праз некалькі дзён пасля працэдуры ў яе паднялася высокая тэмпература, у вобласці малюнка з'явіліся пачырваненне і ацёк.

Малады чалавек пацярпелай выклікаў хуткую дапамогу — дзяўчыну даставілі ў бальніцу. Але ўжо праз суткі яна памерла.

Для вызначэння прычыны смерці была прызначана судова-медыцынская экспертыза. «Пры правядзенні даследаванняў судовыя эксперты Мінскай вобласці ўстанавілі, што смерць дзяўчыны наступіла ў выніку распаўсюджанага запаленчага працэсу ў арганізме, то-бок сэпсісу, які прывёў да поліарганнай функцыянальнай недастатковасці», — паведамілі эксперты.

Спецыялісты таксама нагадалі, што нанясенне тату патрабуе сур'ёзнай падрыхтоўкі. Важна звяртаць увагу на выкананне майстрам санітарных нормаў і пераканацца ў выкарыстанні аднаразовых інструментаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com