У Мінску ўвядуць новыя спосабы кантролю аплаты платных паркавак

Гарадскія ўлады задзейнічаюць мабільныя камеры і патрулі для праверкі аплаты.

Як паведаміў дырэктар дзяржаўнай установы «Паркоўкі сталіцы» Міхаіл Філіпаў, акрамя звычайных камер фіксацыі з’явіцца больш сучасная сістэма — мабільны комплекс, які будзе ездзіць па вуліцах і правяраць, ці аплацілі вадзіцелі паркоўку, піша Tochka.by. Атрыманыя звесткі аўтаматычна будуць паступаць у праграму, дзе правяраецца наяўнасць аплаты.

На тых участках, дзе тэхніку выкарыстаць немагчыма, кантроль будуць ажыццяўляць супрацоўнікі, перасоўваючыся пешшу. Калі яны ўбачаць, што аплаты няма, то на лобавым шкле аўтамабіля пакінуць паведамленне з інфармацыяй пра неабходнасць гэта зрабіць.

Акрамя таго, плануецца ўстаноўка новых камер відэаназірання з аналітычнай сістэмай. Яны будуць счытваць нумары аўтамабіляў пры ўездзе і выездзе з паркоўкі, а вадзіцель павінен будзе ў гэты час ажыццявіць аплату. Пакінуць машыну на платнай паркоўцы без аплаты можна толькі тады, калі яна знаходзіцца там не больш за 15 хвілін.

Заплаціць за стаянку можна праз SMS, USSD-запыт, сістэму АРІП або сэрвіс «Оплати». Паводле слоў Міхаіла Філіпава, у бюджэт Мінска штомесяц паступае каля 400 тысяч рублёў ад аплаты паркавак, і гэта сума працягвае расці.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com