Саветнік Кадырава захаваў манаполію на пастаўкі беларускіх кармоў

Леў Дзеньгоў застаўся эксклюзіўным дыстрыб'ютарам прадукцыі БНБК у Расіі.

Выгнанне з Беларускай нацыянальнай біятэхналагічнай карпарацыі кіргізскіх партнёраў, што не апраўдалі давер беларускіх уладаў, не паўплывала на давер Мінска да эксклюзіўнага дыстрыб'ютара ў Расіі. Ім па-ранейшаму застаецца саветнік Рамзана Кадырава, бізнесмен Леў Дзеньгоў.

Як звярнуў увагу партал «Белорусы и рынок», яго кампанія «Адам Био», у прыватнасці, прадставіць БНБК на галоўнай рыбапрамысловай выставе Расіі — Global Fishery Forum & Seafood Expo Russia 2025.

Яна пройдзе 22–24 кастрычніка ў Санкт-Пецярбургу, дзе «Адам Био», як суб'ект таварправоднай сеткі ЗАТ «БНБК» і яе эксклюзіўны дыстрыб'ютар на тэрыторыі Расійскай Федэрацыі, будзе прэзентаваць беларускія камбікормы, прэміксы і экструдзіраваныя кармы для каштоўных парод рыб. У выставе, дарэчы, бяруць удзел яшчэ дзве беларускія кампаніі, але не праз пасярэдніка, а наўпрост — Жабінкаўскі камбікормавы завод і «Рускае мора», што ўваходзіць у ГК «Санта».

Статус эксклюзіўнага дыстрыб'ютара БНБК кампанія Льва Дзеньгова атрымала яшчэ да 2023 года, калі гэтым бізнесам кіравалі інвестары з Кіргізстана на чале з уцекачом, экс-прэм'ерам Даніярам Усенавым. У Беларусі ён вядомы як Данііл Урыцкі.

Расійскія СМІ паведамлялі, што ў пачатку 2023 года «Адам Био» заключыла кантракт на рэалізацыю прадукцыі БНБК на расійскім рынку на суму 11,82 млрд расійскіх рублёў (каля 150 млн долараў). Таксама Леў Дзеньгоў увайшоў у савет дырэктараў БНБК і стаў саветнікам у кітайскай кампаніі CITIC International Investments, якая з'яўляецца яшчэ адной з заснавальнікаў БНБК.

Уваходжанне бізнесмена ў гэты бізнес звязвалі, вядома ж, не з беларускім паходжаннем Льва Дзеньгова (ён нарадзіўся і вучыўся ў школе ў Мінску), а з яго статусамі — саветніка кіраўніка Чачні Рамзана Кадырава і саветніка тагачаснага «дзяржсакратара Саюзнай Дзяржавы» Дзмітрыя Мезенцава.

У 2024 годзе трываласць яго сувязяў прайшла сур'ёзную праверку ў рамках рэвізіі дзейнасці БНБК беларускімі ўладамі. Іх не задаволілі яе вынікі, што прывяло да таго, што 77% акцый карпарацыі адышло дзяржаве, а Данііл Урыцкі быў вымушаны саступіць сваю пасаду гендырэктара беларускаму чыноўніку Сяргею Ложэчніку.

Трэба меркаваць, што Льва Дзеньгова вынікі БНБК таксама не задавальнялі. У 2024 годзе прыбытак яго «Адам Био», як заўважыў партал «Белорусы и рынок», скараціўся амаль удвая. І цяпер трэба наверстваць недаатрыманае ўжо з новымі кіраўнікамі БНКБ.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com