Ва Узбекістане скарацяць больш за дзве тысячы чыноўнікаў пасля ўкаранення штучнага інтэлекту

Найбольшыя скарачэнні закрануць Падатковы камітэт краіны.

У выніку ўкаранення штучнага інтэлекту ва Узбекістане да 1 лістапада скарацяць больш за 2 тыс. чыноўнікаў. Адпаведны ўказ кіраўніка рэспублікі Шаўката Мірзіёева апублікаваны ў базе нацыянальнага заканадаўства.

Згодна з дакументам «Аб мерах па аптымізацыі колькасці кіраўнічых пасад выканаўчых органаў дзяржаўнай улады за кошт шырокага ўкаранення лічбавізацыі», у сістэме выканаўчай улады будзе скарачана 2141 штатная адзінка.

Найбольшыя скарачэнні закрануць Падатковы камітэт рэспублікі — 498 адзінкаў, Міністэрства воднай гаспадаркі — 224, Міністэрства сельскай гаспадаркі — 200 і Міністэрства занятасці і скарачэння беднасці — 163 штатныя адзінкі.

У Міністэрстве экалогіі, аховы навакольнага асяроддзя і змянення клімату скарацяць 176 адзінкаў, у Міністэрстве юстыцыі — 197.

З указа вынікае, што Мінзанятасці разам з Федэрацыяй прафсаюзаў Узбекістана будуць садзейнічаць працаўладкаванню работнікаў, якія трапілі пад скарачэнне.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com