Трое нямецкіх дэпутатаў «засвяціліся» на вечарыне з нагоды дня нараджэння Пуціна

У Берліне далі ацэнку іх дзеянням.

Трое дэпутатаў зямельнага парламента Саксоніі-Ангальт ад ультраправай партыі «Альтэрнатыва для Германіі» (АдГ) прынялі ўдзел у закрытым святкаванні дня нараджэння Уладзіміра Пуціна, якое адбылося ў расійскім пасольстве ў Берліне.

Як паведамляе MDR, падзею арганізаваў прарасійскі ультраправы часопіс Compact, які раней забаранялі за распаўсюджванне антыканстытуцыйных матэрыялаў. Галоўны рэдактар выдання Юрген Эльзэсэр падчас мерапрыемства назваў Пуціна «дзяржаўным дзеячам і патрыётам», які, маўляў, «абароняе заходнія каштоўнасці ад левага Захаду», і пажадаў дыктатару «доўгага жыцця».

Сярод гасцей журналісты заўважылі дэпутатаў ад АдГ — Ганса-Томаса Тыльшнайдэра, Фларыяна Шрэдэра і Франка Ата Лізурэка. У прыватнасці, Тыльшнайдэр ужо вядомы сваімі прарасійскімі выказваннямі і скандальным візітам на акупаваны ўсход Украіны ў 2022 годзе.

Сустаршыня фракцыі АдГ у Саксоніі-Ангальт Алівер Кірхнер пацвердзіў, што ведаў пра ўдзел калег, хоць сам на мерапрыемства не быў запрошаны. Паводле яго слоў, дэпутаты павінны «камунікаваць з усімі бакамі».

Палітычныя апаненты расцанілі ўчынак як чарговае сведчанне прарасійскіх сімпатый АдГ. Лідар фракцыі ХДС Гіда Хойер заявіў, што частка «Альтэрнатывы для Германіі» «страціла сувязь з асновамі свабоднай дэмакрадыі». Прадстаўнік лібералаў з FDP Андрэас Зільберсак заклікаў партыю вызначыцца, «з кім яны палягуць у адну пасцель — з Пуціным ці з Трампам».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com