«Лукашэнка смяротна баіцца моцных апанентаў»

Гульню дыктатара зламалі.

Мікалай Статкевіч зламаў гульню не толькі Лукашэнку, але цяпер важна выратаваць нацыянальнага лідара і дзейнічаць супраць дыктатара з пазіцыі сілы.

Пра гэта ў інтэрв’ю Сharter97.org заявіў каардынатар грамадзянскай кампаніі «Еўрапейская Беларусь» і адзін з заснавальнікаў руху супраціву «Зубр» Яўген Афнагель:

— Мікалай Статкевіч зламаў гульню не толькі Лукашэнку, але і тым, хто свядома або несвядома яму дапамагаў. Тым, хто адмываў і працягвае адмываць яго алігархаў, тым, хто заклікаў і працягвае заклікаць адмяніць санкцыі супраць рэжыму, аслабіць ціск. Тым, хто гаворыць пра «безумоўны дыялог» з чалавекам, па прамым загадзе якога забіваюць і катуюць закладнікаў-палітвязняў, запалохваюць наогул увесь народ. Тым самазванцам, якія чамусьці выступаюць ад імя, у тым ліку, і нас, былых палітвязняў, і тых, хто сядзіць цяпер у турмах. Цяпер яны ўсе ў разгубленасці і не ведаюць, што рабіць.

Гэта заслуга Мікалая Статкевіча. Ён выступіў як лідар, прымусіў астатніх гуляць паводле яго правілаў, не падпарадкаваўся іх волі, не стаў аб’ектам таргу, а стаў тым, кім быў заўсёды — суб’ектам беларускай палітыкі. І цяпер ход за намі, бо, як многія ўжо неаднаразова казалі, жыццю Мікалая Статкевіча пагражае вялікая небяспека.

Лукашэнка смяротна баіцца моцных апанентаў. Калі ён у такім стане, то здольны на самыя неадэкватныя ўчынкі. Гэта паказаў той жа 2020-ы год.

Наша задача — выратаваць Мікалая Статкевіча і дамагчыся вызвалення і яго, і ўсіх астатніх палітвязняў. А як паказвае практыка, гэта магчыма шляхам узмацнення ціску на рэжым і размовы з ім з пазіцыі сілы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com