У Расіі пачаўся масавы «самалётапад»
12- 9.10.2025, 17:05
- 21,830
Колькасць авіяцыйных здарэнняў павялічылася ўдвая.
У Расіі расце колькасць авіяцыйных здарэнняў, а таксама павялічваецца колькасць пасажыраў і членаў экіпажаў, якія гінуць падчас эксплуатацыі паветраных суднаў. Пра гэта паведамляе The Moscow Times.
Выданне прыводзіць даныя расійскага Растранснагляду (Федэральная служба па наглядзе ў сферы транспарту), згодна з якімі колькасць авіяцыйных здарэнняў летась вырасла да 17 супраць васьмі ў 2023-м, тады як колькасць загінулых павялічылася да 37 супраць 12.
З пачатку 2025 года было зафіксавана чатыры авіяцыйныя здарэнні, у тым ліку дзве аварыі і дзве катастрофы, у выніку якіх загінулі 53 чалавекі.
У Расіі тлумачаць такую дынаміку «парушэннямі паветранага заканадаўства, якія дапускаюць камерцыйныя авіякампаніі». Па іх словах, авіяперавозчыкі не выкоўваюць абавязковыя патрабаванні да тэхнічнага абслугоўвання самалётаў, а персанал кампаній не праходзіць належнай падрыхтоўкі.
З-за росту авіяцыйных здарэнняў расійскія ўлады вырашылі праверыць 51 рэгіянальную авіякампанію, сярод якіх «Азімут», «Алроса», «Аўрора», «Іжавія» і «ІрАэро».
«З-за санкцый пацярпеў сегмент рэгіянальных і мясцовых паветраных перавозак пасля выбытку парку заходняй тэхнікі, але праблемы назіраліся і да гэтага», — адзначыў заснавальнік сэрвісу па бяспецы палётаў RunAvia Андрэй Патракоў.
Нагрузка прыйшлася на старыя савецкія самалёты Ан-2 і Ан-24, а таксама на верталёты тыпу Мі-8.
Праўда, праблемы звязаныя не толькі са старой авіяцыйнай тэхнікай, бо РФ сутыкаецца яшчэ і са старэннем пілотаў.
«Моладзь не ідзе лётаць на 50-гадовых судах, а старыя кадры натуральным чынам пакідаюць галіну», — скардзяцца расіяне.
Сітуацыю пагаршае тое, што РФ не вырабляе запасныя часткі для даўно знятых з вытворчасці савецкіх самалётаў, а рамонт паветраных суднаў выконваюць, абапіраючыся на дэталі са старых складаў або з закансерваваных суднаў.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
