«Поўдзень Расіі падымаецца»

Партызаны заявілі пра рост колькасці расіян, якія выступаюць супраць вайны.

У партызанскім руху «Атэш» заявілі, што да іх штодня далучаюцца новыя прыхільнікі з ліку жыхароў гарадоў на поўдні краіны-агрэсара Расіі, якія выступаюць супраць вайны, развязанай РФ ва Украіне.

Як сцвярджаюць у «Атэш», «поўдзень Расіі падымаецца супраць вайны». У прыватнасці, жыхары Крымска, Элісты і іншых гарадоў на поўдні РФ.

«Людзі стаміліся ад злачыннай вайны, якая забірае іх сыноў і разбурае будучыню», — гаворыцца ў публікацыі ў Telegram-канале «Атэш» 9 кастрычніка.

Па словах партызанаў, насельніцтва паўднёвых рэгіёнаў РФ сваімі вачыма бачыць наступствы вайны супраць Украіны.

«Перапоўненыя шпіталі, пахаронкі ў кожным раёне, абядненне насельніцтва. Гэта прымушае іх дзейнічаць», — сцвярджаюць у «Атэш», апублікаваўшы таксама фота расклееных улётак супраціву.

Партызаны таксама заклікалі расіян «унесці свой уклад у барацьбу з рэжымам». Падаваць звесткі пра ваенныя аб’екты, месцы дыслокацыі тэхнікі і інфармацыю пра перамяшчэнні войскаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com